Hadiis: Nebã yεεsg ra wa gɩdg ned baa a yemb yãmb pʋgẽ t'a togs sɩdã, t'a sã n yã sɩdã, maa a bãng-a lame

عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ قَالَ:
«لَا يَمْنَعَنَّ رَجُلًا مِنْكُمْ مَخَافَةُ النَّاسِ أَنْ يَتَكَلَّمَ بِالْحَقِّ إِذَا رَآهُ أَوْ عَلِمَهُ».
[صحيح] - [رواه الترمذي وابن ماجه وأحمد] - [مسند أحمد: 11403]

Yii a Abɩɩ Saʿɩɩd Al-hudriy nengẽ (Wẽnd yard be a yĩnga) tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) t'a yeelame:
«Nebã yεεsg ra wa gɩdg ned baa a yemb yãmb pʋgẽ t'a togs sɩdã, t'a sã n yã sɩdã, maa a bãng-a lame».
[Naṣʋn Ṣahɩɩhʋn (Gom-sikdem sẽn manege)] - [A At-tirmiiziy la a ɭbn Maaǧa la a Ahmad n togs-a] - [Musnad Ahmad - 11403]

bilgrã

Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) goma ne a sahaabsã, la sẽn be a sẽn sagl-ba pʋgẽ, yaa tɩ nebã rabeem la b yεεsg ra wa gɩdg lɩslaam t'a bas sɩd yeelgo, maa sagl tɩ b maan sɩda, t'a sã n yã-a maa a bãng-a lame.

Sẽn be Hɑdiisã yõod-rãmbẽ

1. Pirsdame tɩ b vẽneg sɩdã la b ra wa solg-a nebã yεεsg yĩng ye.
2. Sɩdã yeelgã ka rat n na yeel tɩ zʋgd kaalem ye, goamã wεεngẽ, la yam-bedre, la saglg sẽn manege sɩdã togsg pʋgẽ.
3. Wilgdame tɩ yaa tɩlae tɩ b gɩdg yel-kiti la b lʋɩɩs Wẽnd hakε wã (A Naam zẽk yã) nebã raabã taoore, raab ning sẽn ka zemsd ne Wẽnd hakε wã.