Hadiis: Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«قَالَ اللَّهُ عَزَّ وَجَلَّ: يُؤْذِينِي ابْنُ آدَمَ يَسُبُّ الدَّهْرَ وَأَنَا الدَّهْرُ، بِيَدِي الأَمْرُ أُقَلِّبُ اللَّيْلَ وَالنَّهَارَ».
[صحيح] - [متفق عليه] - [صحيح البخاري: 4826]

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Wẽnd Tẽn-tʋʋmã nengẽ, (Wẽnd pʋʋsg la A tɩlgr be a yĩnga) a yeelame:
«Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 4826]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ Wẽnde, (A Naam zẽk yã) A yeta Hadiis Alƙudsi wã pʋgẽ, ad ninsaala, a namsda Maam la a paoogd Maam, ned ning sẽn tʋʋda la a sãbsd zãmaanã masɩɩb-rãmb la yel-toodã sẽn wat n sigã; bala yaa Yẽnda, (A Naam yɩlg yã) Yẽ la Rabsdã, A Yembr Tãa, Yẽ n leb n kẽnesd bũmb ning sẽn yɩtã, rẽnd zãmaanã toogã yaa Wẽnd toogo (A Naam yɩ wagell n zẽke) la zamaanã yaa bõn-naandga, b sẽn wõre, tɩ yεlã maand a pʋgẽ ne sagell la raabo (A Naam zẽk yã).

Sẽn be Hɑdiisã yõod-rãmbẽ

1. Hadiis-kãngã bee hadiis-rãmb nins Nabiyaamã (Wẽnd pʋʋsg la A tɩlgr be a yĩnga) sẽn togsde, tɩ yaa sẽn yi a Soabã nengẽ, b boond-a lame tɩ hadiis AlƘʋdsɩy (hadiis yɩlenga) maa hadiis ɭlaahiy (Wẽnd hadiisi) yẽ me la hadiis ninga, a gom-biisã la a maanã wã yii Wẽnd nengẽ, la mikame t'a ka tar Alkʋrãanã sẽn tar yεl ninsã ye, b sẽn tũud Wẽnd ne a karengã, la b yɩlgd a yĩnga, la a leb n geesd la a komsd nebã tɩ b ka tõe n wa ne a buud ye, la zẽng sẽn ka rẽndã Hadiis Alƙʋdsy wã sẽn ka tarã.
2. Wilgdame tɩ b maan zʋgd ne Wẽnde, gomdẽ la loεεgẽ.
3. Wilgdame tɩ b maan tɩlae tɩ b maan sugr ne Wẽnd Bʋʋdã la A kordgã, la b maan sugr ne nanga.
4. La nang la namsg ka yembr ye; bala ninsaala a namsda ne bõn-wẽng wʋmbo maa a yãabo, la rẽ ka nang ne-a ye, sẽn paasd me a leb n namsda ne yũ-wẽnse, wala gεba la lay la ka nang ne-a ye.
5. Wẽnde, (A Naam yɩlg n zẽke) A yembsa tʋʋm wẽns sãnda namsd-A lame la A pa nang ne-A ye, wala A sẽn yeele (A Naam zẽk yã) hadiis yɩlengã pʋgẽ: «Yãmb M yembse, y kõ n tol n ta Mam namsgo, n nams Maam ye, y leb n kõn n ta Mam nafa n naf-M ye».
6. Zãmaanã tʋʋrã la a sɩfã, a yɩta buk a tãabo: 1-yaa a sẽn na n tʋʋd zãmaanã tɩ bala yaa yẽ n maane; la yaa zãmaanã me n leebd yεlã n kẽngd sõma la wẽnga! Rẽnd yãwã yaa lagem-n-ta-kẽenga, bala yẽnda loeeme tɩ naand n be n lagem Wẽnde, n leb n paase, yẽ rɩka yεla yɩɩbã n kõ zẽng sẽn ka Wẽnde. 2-Yaa a sẽn na tʋ zamaanã la ka a sẽn loe tɩ yaa zãmaanã n maand ye, la yaa a sẽn loe tɩ Wẽnd n maane, la a tʋʋd-a lame, bala yel-kãngã yẽ sẽn ka ratã, yaa zãmaanã pʋg la a yi yã, tɩ yẽ tʋʋd zamaanã, rẽnd yãwã yaa haraam. 3-Yaa sẽn na n mik tɩ yaa kibar bal la a kõta, la ka sãbsg ye; yãwã sakdame, la sẽn yɩ boto yaa a Luut koεεga (Wẽnd pʋʋsg la a tɩlgr be a yĩnga) {Ad yãwã yaa ra-kεgengɑ}.