Sabuntawa: Allah - Mai girma da ɗaukaka - Ya ce: Ɗan Adam ya cutar da Ni yana zagin zamani alhali Nine zamani, al'amari yana hannunNa iNa jujjuya dare da rana

  1. Gida
  2. kashe kashe
  3. Falaloli da Ladabai
Karkasawa: Falaloli da Ladabai . Ladaban Shari'a . Ladaban Magana da kuma shiru .
+ -

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«قَالَ اللَّهُ عَزَّ وَجَلَّ: يُؤْذِينِي ابْنُ آدَمَ يَسُبُّ الدَّهْرَ وَأَنَا الدَّهْرُ، بِيَدِي الأَمْرُ أُقَلِّبُ اللَّيْلَ وَالنَّهَارَ».
[صحيح] - [متفق عليه] - [صحيح البخاري: 4826]
المزيــد ...

Daga Abu Huraira - Allah Ya yarda da shi - ya ce: Manzon Allah - tsira da amincin Allah su tabbata a gare shi - ya ce:
«Allah - Mai girma da ɗaukaka - Ya ce: Ɗan Adam ya cutar da Ni yana zagin zamani alhali Nine zamani, al'amari yana hannunNa iNa jujjuya dare da rana».
[Ingantacce ne] - [Bukhari da Muslim suka Rawaito shi] - [صحيح البخاري - 4826]

Bayani

Annabi - tsira da amincin Allah su tabbata agare shi - ya bada labarin cewa Allah - Maɗaukakin sarki - Yana faɗa a cikin Hadisi Ƙudsi: Mutumin da yake zagin zamani a lokacin saukar masifu da abubuwan ƙi yana cuta ta kuma yana tauyeNi; domin cewa Shi - tsarki ya tabbatar maSa - Shi ne Mai jujjuya al'amura Shi kaɗai, kuma Mai sarrafa abinda yake faruwa; to aibata zamani aibata Allah ne - Mai girma da ɗaukaka -, zamani kuwa kawai shi halitta ne abin horewa, abubuwa suna gudana ne a cikinsa da umarnin Allah - Maɗaukakin sarki -.

Fassara: Indonisiyanci Vietnam Swahili Asami الأمهرية الهولندية
Manufofin Fassarorin

Daga Cikin Fa idodin Hadisin

  1. Wannan hadisin yana daga abin da Annabi - tsira da amincin Allah su tabbata a gare shi - yake ruwaito shi daga Ubangijinsa, ana ambatonsa da Hadisi Ƙudsi, ko Ilahi, shi ne wanda lafazinsa da ma'anarsa daga Allah ne, sai dai cewa shi babu abubuwan da Alƙur’ani ya keɓanta da su a cikinsa, waɗanda ya keɓanta da su daga waninsa, kamar bauta da karanta shi, da yin tsarki sabo da shi da I’IJAZ (ƙalubalanta) da gajiyarwa, da sauransu.
  2. Ladabi tare da Allah - tsarki ya tabbatar maSa - a magana da kuma ƙudiri.
  3. Wajabcin yin imani da hukunci da kuma ƙaddara, da haƙuri akan cuta.
  4. Cutuwa ba cutarwa ba ne; mutum yana cutuwa da jin mummunan abu ko ganinsa; sai dai cewa hakan ba ya cutar da shi, kuma yana cutuwa da warin da ba'a so kamar albasa da tafarnuwa amma ba sa cutar da shi.
  5. Allah - tsarki ya tabbatar maSa Ya ɗaukaka - Yana cutuwa da wasu daga ayyukan bayinSa munana, sai dai cewa Shi - Maɗaukaki - ba Ya cutuwa da hakan, kamar yadda Allah - Maɗaukakin sarki - Ya ce acikin Hadisi Ƙudsi: «Yaku bayina lallai ku baku isa ku cutar dani ballantana ku cutar daNi, kuma baku isa ku amfanar daNi ba ballatana ku amfanar daNi».
  6. Aibanta zamani da siffanta shi ya kasu gida uku:
  7. 1- Ya aibanta zamani akan cewa shi ne mai aikatawa; kuma cewa zamani shi ne mai jujjuya al'amura zuwa alheri ko sharri! to wannan shirka ce babba; domin ƙudircewa ne akan akwai wani mahalicci tare da Allah, kuma domin hakan danganta samar da halittu ne zuwa ga wanin Allah.
  8. 2- Ya aibata zamani badan ƙudirce cewa shi ne mai aikatawa ba, kai yana ƙudirce cewa Allah Shi ne Mai yin aiki sai dai yana aibata shi ne domin cewa shi ne mahallin wannan abun abin ƙi a wurinsa; to wannan haramun ne.
  9. 3- Ya nufi alheri tsantsa ba tare da zargi ba; to wannan ya halatta, kuma daga gare shi akwai fadin (Annabi) Lud - aminci ya tabbata agare shi -: {Kuma ya ce wannan rana ce mai tsananin wahala}.
kashe kashe
Kari
عربي Bahasa Indonesia Tiếng Việt Kiswahili অসমীয়া አማርኛ Nederlands