Hadiis: Yãmb mii wɩdg sẽn yaa a sab bɩɩ?" Tɩ b yeele: Wẽnd la A Tẽn-tʋʋmã n yɩɩd minim, t'a yeele: " yaa fo sẽn na n tẽeg f saam-biig yelle, bũmb ninga a sẽn kisi

عن أبي هريرة رضي الله عنه أن رسول الله صلى الله عليه وسلم قال:
«أَتَدْرُونَ مَا الْغِيبَةُ؟»، قَالُوا: اللهُ وَرَسُولُهُ أَعْلَمُ، قَالَ: «ذِكْرُكَ أَخَاكَ بِمَا يَكْرَهُ»، قِيلَ: أَفَرَأَيْتَ إِنْ كَانَ فِي أَخِي مَا أَقُولُ؟ قَالَ: «إِنْ كَانَ فِيهِ مَا تَقُولُ فَقَدِ اغْتَبْتَهُ، وَإِنْ لَمْ يَكُنْ فِيهِ فَقَدْ بَهَتَّهُ».
[صحيح] - [رواه مسلم] - [صحيح مسلم: 2589]

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) a yeelame:
"Yãmb mii wɩdg sẽn yaa a sab bɩɩ?" Tɩ b yeele: Wẽnd la A Tẽn-tʋʋmã n yɩɩd minim, t'a yeele: " yaa fo sẽn na n tẽeg f saam-biig yelle, bũmb ninga a sẽn kisi", tɩ b yeele: la sã n mikame tɩ mam sẽn yet bũmb ningã bee mam saam-biigẽ wã? T'a yeele: " fo sẽn yetã sã n be a nengẽ fo wɩd-a lame, la sã n ka be a nengẽ, f yaga zĩri-beed n rogl-a.
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2589]

bilgrã

Nabiyaamã (Wẽnd pʋʋsg la A tɩlgr be a yĩnga) vẽnegdame n wilgdẽ, wɩdg sẽn yaa haraamã a hakɩɩkã sẽn yaa a soaba, yẽ me la fo sẽn na n gom lɩslaam sẽn ka be yelle, a sẽn kisi zem tɩ yaa a naanegã maa a zʋgdã wεεngẽ, wala woabga, zam soaba, zirĩ-be-neda, la sẽn wõnd rẽnda sẽn yaa sãbsg sɩf-rãmba, baa tɩ sã n mikame tɩ sɩfã be a nengẽ.
La sã n mikame tɩ sɩfã ka be a nengẽ, rẽnd yẽnda keelem yɩɩda wɩdga, yẽ me la zĩri-beedo, rat n yeele, tɩ pasg n rogl ninsaala bũmb ning sẽn ka be a nengẽ.

Sẽn be Hɑdiisã yõod-rãmbẽ

1. Yaa Nabiyaamã (Wẽnd pʋʋsg la A tɩlgr be a yĩnga) wilg sõngã, ne a sẽn gom masaal-rãmba n tũnug ne sokre.
2. Yaa sahaabsã zʋg sõngã ne Nabiyaamã (Wẽnd pʋʋsg la A tɩlgr be a yĩnga), b sẽn yeel tɩ yaa Wẽnd la A Tẽn-tʋʋmã n yɩɩd minimã.
3. B sã n sok ned a sẽn ka mi bɩ a yeele: Wẽnd n yɩɩd minim.
4. Yaa sari wã sẽn bʋ nimbuiidã ne a sẽn gũ hakε-rãmbã la ma-biir ning sẽn be bãmb sʋka.
5. Yaa tɩ wɩdga yaa bũmb sẽn yaa haraam, sã n ka halhaal-rãmb sãnda, manegr yĩnga; sẽn be rẽ pʋgẽ yaa f sẽn na n tus wẽgdo n yi f menga, ne b sẽn wẽg a soabã sẽn na n togs wẽgda yelle, ned ning sẽn reeg a hakε wã n kõ-a nengẽ, bilgr t'a yetẽ: a zagl wẽga maam, maa a maana maam woto. La sẽn be a pʋgẽ ad yaa saawar maanego furi maa lagem-taab n tʋme, maa yak-n-taar wεεngẽ la sẽn wõnd rẽnda, a sã wa tʋg n sokd naag-n-taagã yelle, a tõe n togs-a lame.