Ned sã n nong ɑ to, bɩ ɑ togs-ɑ t'ɑ nong-ɑ lɑme Lɩslɑɑm hɑkε ɑ lɩslɑɑm tɑɑg zugu, yɑɑ nu: yɑɑ Sɑllem leokre, lɑ bãɑd kɑɑgre, lɑ kũ-rãmb yãɑgre, lɑ bool sɑkre; lɑ tĩsd leokre Yãmb mii wɩdg sẽn yaa a sab bɩɩ?" Tɩ b yeele: Wẽnd la A Tẽn-tʋʋmã n yɩɩd minim, t'a yeele: " yaa fo sẽn na n tẽeg f saam-biig yelle, bũmb ninga a sẽn kisi Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã Tɩ Nabiyaamã (Wẽnd pʋʋsg la A tɩlgr be a yĩnga) a yɩɩme n ka tõdgd parfẽ (yũ-noog) ye Ad Wẽnd yarda yamba, a sẽn na n rɩ n pẽg Wẽnde rɩɩbã yĩnga, maa a yũ bõn-yũudga n pẽg Wẽnd a yĩnga Biiga, f sã n na n rɩ bɩ f yeel bismillaah, la f rɩ ne f rɩtgo, la f rɩ f taoorã Yãmb ned fãa sã n na n rɩ, bɩ a rɩ ne a rɩtgo, a sã n na n yũ, bɩ a yũ ne a rɩtgo, bɑlɑ a sʋɩtãan rɩta ne a gobre, la a yũud ne a gobre Ra yelg-y harɩɩr fut ye, la ra yelg-y Diibaag( Hariirã fu-tak) ye, la ra yũ-y sãnem la wanzur ko-teesẽ ye, la ra rɩ-y a laasẽ me ye, ad bãmbã yaa kɩfr-rãmb n so-ba dũni kaanẽ, n yaa tõnd rẽnda laahr raare Ned ning sẽn yelga Harɩɩr fuug dũni kaanẽ, a ka na n yeelg-a yaoolem raarã ye Bas-ba tɩ mam wid-b lame tɩ b yaa yɩlma Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo Yãmb ned fãa ra wa tʋg n gãd a taoorã ne a rɩtgã n rʋʋtẽ ye, la a ra wa yẽes a we-kεεng ne a rɩtg ye, la a ra tʋg n vʋʋsd laok pʋgẽ ye Yãmb ned kɑm fãɑ sã n yã zãmsd tɩ noom-a, bɩ a bãng tɩ yii Wẽnd nengẽ, bɩ a pẽg Wẽnde, la a yẽs zãmsdã, la a sã n yã sẽn ka woto, sẽn ka noom-a bɩ a bãng tɩ yii a sʋɩɩtãan nengẽ, bɩ a kos gũudum n yi zãmsdã wẽngã la a ra togs zãmsdã ned baa a yembr ye, tɩ rẽnda ka namsd-a ye Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n na n tĩsi a ningda a nugã -maa a fuugã- a noorẽ, n lud a koεεga -ne rẽnda- Tɩ ned n rɩ Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ) ne a goabgã, tɩ Nabiyaamã yeel-a: «rɩ ne f rɩtgã», t'a yeele: m ka tõe ye, t'a yeele: «f kõn n tol n leb n tõog ye Yãmb yembr sã n seg a ma-biig sẽn yaa lɩslaam bɩ a ning-a sallem, la tɩɩga maa lalga maa kugr sã n lill b yiibã sʋka, rẽ poorẽ t'a yek-a bɩ a ning-a sallem yεsa Zãms sõng yii Wẽnd nengẽ, la zãms zaala a yii a sʋɩɩtãan nengẽ, yãmb ned fãa sã n wa tʋg n zãms zãmsd ning n yεεsd-a bɩ a tʋbs a goabgã wεεngẽ la a kos gũudum n yi a wẽngã, tɩ ad rẽnda a ka namsd-a ye Mam yeelame, Wẽnd Tẽn-tʋʋma, d maanda a wãn n põse? T'a yeelae: « Yõk f zelemdã, pa f zakẽ wã la f kũm f zũnuubã wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore Zoambd n ningd sẽn kẽnda sallem, tɩ sẽn kẽndɑ n ningd zĩid sallem, tɩ neb kɩdg ning neb wʋsg sallem Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã Bũmb ka be t'a zɩslem yɩɩd muumin peesgã laok pʋgẽ dũni wã yikr raare, n yɩɩd zʋg sõng ye, ad Wẽnd kisa zʋg wẽng soab sẽn yaa gom-be-neda Ad Nabiyaamã (Wẽnd pʋʋsg lɑ A tɩlgr be ɑ yĩngɑ) a yii tõnd nengẽ raar a yembre, tɩ tõnd yeele: Wẽnd Tẽn-tʋʋmã, ad tõnd bãnga d sẽn ningd foom sallem to-to ninga, la d na n pʋʋs-f-la wãn-wãnɑ? Tɩ raoa n sok Nabiyaamã (Wẽnd pʋʋsg lɑ A tɩlgr be ɑ yĩngɑ) lɩslaangã yell bʋdo sõmblem n yɩɩde? T'a yeele: «rɩlg rɩɩbo la f ning sallem fo sẽn bãng a soab la fo sẽn ka bãng a soaba Ned ning sẽn wẽen n yeel a wẽenegẽ wã: ne a Laat la a ʿƲzzaa, bɩ a yeele: "Laa ɩlaaha ɩlla Allaah= soab sẽn na n tũ sɩd-sɩd ka be, sã n pa yɩ ne Wẽnde", la ned ning sẽn yeel a tũud-n-taag: wa tɩ m maan tεntεεg ne-fo, bɩ a maan doaaga Rao ka sõmb n ges a ra-taag yãnde, pag me ra tʋg n get a pʋg-to yãnde Lɩslaama yaa ned ning lɩslaambã sẽn tɩlg n yi a zelemde la a nugu, la muhaagɩrʋ (ned ning sẽn yik ne a dĩin n zoetẽ), yẽ la ned ning sẽn bas bũmb ning Wẽnd sẽn gɩdgã Ned ning sẽn vẽnegda Alkʋrãanã kɑrengo yaa wala ned ning sẽn vẽnegda sãra, la ned ning sẽn solgda Alkʋrãanã karengo, a yaa wala ned ning sẽn solgda sãra maanego Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas} Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame Sɩd-kõt pɑ yɩ n yɑɑ zɑng toog soab ye, ɑ pɑ kãɑb-toog soɑbɑ, ɑ pɑ yel-beed soɑbɑ, ɑ pɑ no-beed soɑbɑ Ra kẽ-y neb nins sẽn wẽg b mensã zags ye, sã n ka mikame tɩ y yaa kũnkumbda Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sagla tõnd ne yεl a yopoe, la a gɩdg tõnd tɩ d bas yεl a yopoe Yãmb yembr fãa sã n tʋg n ta zĩigẽ, bɩ a ning sallem, la a sã n rat n na n zĩndi, bɩ a ning sallem, bala rẽenem sallemã, yẽ ka hakε n yɩɩd yaoolem soaba ye Alkʋrãan soab bilgri, yaa wala yʋgmã sẽn zã soab bilgri, a sã n get-ba, a yõkd-b lame, la a sã n zaag-b n base, b loogdame Yeelg-y y fu pεεlã, tɩ ad yaa yãmb futã sẽn yɩɩd sõmblem, la y mum y kũ-rãmbã ne-ba Raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n yeele: "Assalaamu ʿalaykum ", (tɩlgr be ne yãmbɑ), tɩ Nabiyaamã lebsa a pʋʋsgã, rẽ poorẽ t'a zĩndi, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «piiga Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba) Lɩslaam fu-sẽk (kurgu=fuugu) yaa a kar-koeemsã pʋsʋka, la taal ka be ne bũmb ning sẽn be kar-koεεngã la na-kugã sʋk ye, la bũmb ning sẽn sig na-kugã tẽngrã yẽ yaa Bugmẽ, la ned ning sẽn vuuga a fu-sẽka waoog-m-menga, Wẽnd ka gεt-a ye Yãmb yembr fãa sã n yaamse, bɩ a mobg a noorã ne a nugã, bala a sʋɩɩtãan kẽeda beenẽ Lɩslaam hakε sẽn zao a lɩslaam taag yaa a yoobe» Tɩ b yεεl-a: bãmb la bʋse Wẽnd Tẽn-tʋʋmã? La a yeele: «F sã n seg-a bɩ f ning-a sallem, la a sã n bool-f bɩ f sak-a, la a sã n kos-f sagls bɩ f maan-a pʋ-peelem, la a sã n tĩsi n pẽg Wẽnd bɩ f yeel-a: Yarhamuka Allaah= Wẽnd na yols-fo, la a sã n bẽ bɩ f kaag-a, la a sã n maan kaalem bɩ f yãag-a Wẽnd ka get ned ning sẽn vuug a fuug waoog-m-meng yĩng ye Azhib al-ba'sa, rabbi an-naasi, wa ašfɩ, anta aš-šaafɩɩ, laa šɩfaa'a illaa šɩfaa'aka, šɩifaa'an laa yʋgaadirʋ saƙaman= Loog ne bãagã, Fo sẽn yaa nebã Soabã, la F sigsi, tɩ ad Foom la Tɩpda, tɩpg ka be rẽnda fo tɩpgã, bɩ F tɩp-a tɩpg sẽn ka loogd n bas bãaga Wẽenegã bolgda teoog raaga, la a yãkd a yõodã barka Lɩslaamb a yiib ka be n yek taab n yõk taab nusi, rẽndame tɩ b yaafa b yiibã zũnuuba, taoor tɩ b na n ka welg taaba Wẽnd na põees ned ning neng sẽn wʋm bũmb tõnd nengẽ, n taas-a wala a sẽn wʋm-a wã, bala sõor waoog b sẽn taas ned bũmb tɩ yẽnda sẽn fasema yɩɩda wʋmdã Ned ning fãa sẽn yeel a ma-biig a to: kɩfrã, ad b yiibã yembr n sɩd tall gomdã, sã n mikame tɩ nedã yaa wala a sẽn yeelã, sã n ka woto, a na n lebg n waa yẽ zugu Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga