Hadiis: Wẽenegã bolgda teoog raaga, la a yãkd a yõodã barka

عَن أَبي هُرَيْرَةَ رضي الله عنه قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«الْحَلِفُ مَنْفَقَةٌ لِلسِّلْعَةِ، مَمْحَقَةٌ لِلرِّبْحِ».
[صحيح] - [متفق عليه] - [صحيح مسلم: 1606]

Yii a Abɩɩ Hʋrayrat nengẽ, (Wẽnd yard be a yĩnga): m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ:
«Wẽenegã bolgda teoog raaga, la a yãkd a yõodã barka».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 1606]

bilgrã

Nabiyaamã (Wẽnd pʋʋsg la A tɩlgr be a yĩnga) bugsdame tɩ ra wa tʋg n wẽendẽ la b wʋsgd wẽenegã, baa tɩ wẽendã togsda sɩda a koosemẽ wã la a raabẽ wã, la a togs t'a yaa sabab n bolgd koosmã la a loakd-a, la ad a boogda a yõodã barka, la Wẽnd tõeeme n kẽes a pʋgẽ sãang neng toor-toore, maa zuubu, maa bugum yõogre, maa koom bõrbo, maa fãabo, maa yεl sãnda sẽn ka rẽnda, sẽn na n halk a arzεkã.

Sẽn be Hɑdiisã yõod-rãmbẽ

1. Wilgda wẽeneg ne Wẽndã sẽn yaa bedre, t'a ka yɩte rẽnda tʋlsem sẽn wat n beẽ.
2. Haraamã baoobo, baa t'a sõmã wã wʋsg yã, a barkã ka be ye, sõma ka a pʋgẽ.
3. Al-Ƙaariy yeelame (Wẽnd na yols-a): bũmb ning b sẽn bao n paamã bark loogr tõeeme n yɩ ne halkr sẽn paamd arzεkẽ wã, maa rɩk n kẽes zĩig ning nafa sẽn ka lebgd n wa a nengẽ, ka dũni, ka yel sõmd yaoolem raare, maa a kell n pa a nengẽ, tɩ b yaool n mong-a t'a ka tõe n naf ne-a, maa ned ning sẽn ka na n pẽg yẽ rɩk a faado.
4. A An-Nawawiy yeelame (Wẽnd na yols-a): gɩdgr n be a pʋgẽ tɩ b ra wa tʋg n wʋsgd wẽeneg koosmã pʋgẽ ye, bala wẽendẽ tɩ ka tũ ne tʋlsmã b kisga rẽ, leb n paasda a pʋgẽ sẽn yaa teoogã bolgr belg raadã ne a wẽenegã.
5. Wẽenegã wʋsgã yaa sɩd-kũunã kaalem, la Wẽn-yembgã kaalem; bala wẽen toogã a talldame n tʋgd yεl a yiibu: b rẽenemã: toog kaalem ne wẽenegã. Yiib soabã: zĩri-beedo, bala ned ning wẽen-rãmb sẽn wʋsge, a na n kẽe zĩri-beed pʋgẽ, rẽnd sõmbame tɩ b boog yel-kãngã la b ra wʋsg-a ye, rẽ n kɩt tɩ Wẽnd yeele, (A Naam yɩlg yã): (La y gũus y wẽenegã). [Al-Maa'ɩda (Rɩɩbã sʋʋra): 89].