हदीस: कसम खाँदा सामान त बेचिन्छ, तर नाफा र बरकत नष्ट हुन्छ।

عَن أَبي هُرَيْرَةَ رضي الله عنه قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«الْحَلِفُ مَنْفَقَةٌ لِلسِّلْعَةِ، مَمْحَقَةٌ لِلرِّبْحِ».
[صحيح] - [متفق عليه] - [صحيح مسلم: 1606]

यस अनुवादलाई थप समीक्षा र जाँचको आवश्यकता छ.

अबू-हुरैरह (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नु भयो :
"कसम खाँदा सामान त बेचिन्छ, तर नाफा र बरकत नष्ट हुन्छ।"
[सही] - [मुत्तफकुन अलैहि] - [सही मुस्लिम - 1606]

व्याख्या

नबी (सल्लल्लाहु अलैहि वसल्लम) ले किनमेल गर्दा वा बेच्दा सत्य भए पनि कसम खान वा अत्यधिक कसम खान निषेध गर्नुभएको छ। उहाँले भन्नुभयो कि यसले सामान छिटो बिक्न मद्दत गर्छ, तर नाफा र कमाइको बरकत नष्ट गर्छ। बरकत हराएपछि अल्लाहले व्यापारीलाई विभिन्न विपत्तिहरूमा पार्न सक्नुहुन्छ—जस्तै चोरी, आगलागी, डुबान, जबर्जस्ती कब्जा, लुटपाट वा अन्य घटनाहरू जसले उसको सम्पत्ति नष्ट गर्छ।

हदीसका केही फाइदाहरू

1. अल्लाहको कसम खानु एकदमै महत्त्वपूर्ण कुरा हो। यसलाई अनावश्यक रूपमा प्रयोग गर्नु हुँदैन।
2. अवैध कमाई, चाहे त्यो जतिसुकै किन नहोस्; त्यसमा बरकत(शुभ) हुँदैन र अन्ततः त्यसमा कुनै वास्तविक भलाइ वा लाभ रहँदैन।
3. अल-कारीले भने: कमाईको बर्कत (माङ्गलिकता) या त उसको पैसामा पर्ने नोक्सानीको कारणले गुम्छ वा उसले त्यस्तो चीजहरूमा खर्च गर्छ जसले उसलाई नत तत्काल फाइदा हुन्छ नत भविष्यमा पुण्य प्राप्त हुन्छ । वा यो उसैसँग रहन्छ तर ऊ त्यसको फाइदाबाट वञ्चित हुन्छ वा नराम्रो व्यक्तिले उत्तराधिकारमा पाउँछ।
4. अल-नववीले भने: व्यापारमा धेरै कसम खानु मनाही गरिएको छ, किनकि आवश्यकता बिना कसम खानु इस्लाममा मकरूह (मन नपर्ने) काम हो। यससँगै सामानको प्रचार हुन्छ, तर ग्राहक कसमले भ्रममा पर्न सक्छ।
5. धेरै कसम खानु भनेको आस्था र एकेश्वरवादको कमी हो; किनकि धेरै कसम खानुले दुई कुरा निम्त्याउँछ: पहिलो भनेको कसम खानुलाई साधारण काम मान्नु र यसको बारेमा बेपर्वाह हुनु हो र दोस्रो झूट बोल्नु हो, किनकि जसले धेरै कसम खान्छ त्यो झूट बोल्न बाध्य हुन्छ। त्यसैले यसलाई कम गर्नुपर्छ र धेरै कसम खानु हुँदैन। त्यसै कारणले अल्लाहले भन्नुभयो: "अतः आफ्ना कसमहरूको रक्षा गर (जथाभावी कसम नखाने गर) ।" [अल-माइदा: ८९]।