حدیث: قسم خوړل د مال خرڅولو (پلورلو) لپاره وسیله، خو د برکت ختمېدو سبب ګرځي

عَن أَبي هُرَيْرَةَ رضي الله عنه قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«الْحَلِفُ مَنْفَقَةٌ لِلسِّلْعَةِ، مَمْحَقَةٌ لِلرِّبْحِ».
[صحيح] - [متفق عليه] - [صحيح مسلم: 1606]

دا ژباړه بیا لیدنې او کره کتنې ته اړتیا لري.

له ابوهریره -رضي الله عنه- څخه روایت دی وایي چې: ما له رسول الله -صلی الله علیه وسلم- څخه اورېدلي چې ویل یې:
"قسم خوړل د مال خرڅولو (پلورلو) لپاره وسیله، خو د برکت ختمېدو سبب ګرځي."
[صحيح] - [متفق علیه دی ( بخاري اومسلم دواړو روایت کړی دی)] - [صحیح مسلم - 1606]

تشریح

نبي صلی الله علیه وسلم له ډېر قسم خوړلو څخه منع کړې ده، که څه هم یو څوک په راکړه ورکړه کې په خپلو خبرو کې رښتینی وي، هغه ویلي چې قسم د مال د مشهورلو سبب کېږي خو د ګټې برکت له منځه وړي. همدارنګه کېدای شي الله تعالی ورته داسې څه پېښ کړي چې مال یې پکې له‌منځه لاړ شي، لکه غلا، اور، ډوبېدنه، په زبردستۍ اخېستل، چور او داسې نور ناورینونه چې شتمني یې وسره له منځه لاړه شي.

د حديث له ګټو څخه

1. د الله په نوم قسم خوړل باید ډېر ستر کار وبلل شي، او باید یوازې د اړتیا په صورت کې وکارول شي.
2. حرامه ګټه که ډېره هم وي، خو له خېر اوبرکت نه خالي وي.