عن أبي الهياج الأسدي قال: قال لي علي رضي الله عنه : «ألا أَبْعَثُك على ما بَعَثَني عليه رسول الله صلى الله عليه وسلم ؟ أن لا تَدْعَ صُورَةً إلا طَمَسْتَها، ولا قَبْرًا مُشْرِفًا إلا سَوَّيْتَه».
[صحيح] - [رواه مسلم]
المزيــد ...
له أبو الهیاج الأسدي څخه روایت دی وایې چې ماته علي - رضي الله عنه - وویل: « آیا زه تاسو د هغه څه پسې ونه لیږم چې رسول الله صلی الله علیه وسلم ورپسې زه لیږلی وم؟ هیڅ انځور له پاکولو پرته مه پریږدئ، او نه هیڅ لوړ قبر پرته له دې چې برابر یې کړئ ».
صحيح - مسلم روايت کړی دی
اسلام د هر هغه دروازې په تړلو ټینګار کوي چې شرک ته لاره هواروي، پټه وي او که ښکاره، او علي رضي الله عنه مونږ ته خبر راکوي چې رسول الله - صلی الله عليه وسلم - هغه ولیږه او امر يې ورته وکړ چې هر هغه انځور چې هغه يې پيدا کړي له منځه يوسي؛ د الله - تعالی - له مخلوق سره د مشابهت له امله او د هغې له لوی ګڼلو سره د غولیدلو له امله؛ هغه څه چې خپل خاوندان په بت پرستۍ اړوي . او هره هغه ودانۍ ورانه کړي چې پر قبر جوړه شوي وي او یا دا چې له روا اندازې څخه قبر زیات لوړ شوی وي، ځکه چې په لوړیدو سره یې خلک په فتنه کې لویږي، او د الله سره یې په عبادت او لوی والي کې شریکان نیسي. او د دې لپاره چې مسلمانانو ته خپل اسلام پاتې شي، او عقیده یې سپیڅلې شي، او ځکه چې د انځورونو ښکل او په قبر د ودانۍ جوړول د هغه د تعظیم او تقدس لامل ګرځي او له خپلې درجې څخه یې لوړوي ، او د الله تعالی له حقونو څخه ځینې ورکول کیږي.