عن أبي الهياج الأسدي قال: قال لي علي رضي الله عنه : «ألا أَبْعَثُك على ما بَعَثَني عليه رسول الله صلى الله عليه وسلم ؟ أن لا تَدْعَ صُورَةً إلا طَمَسْتَها، ولا قَبْرًا مُشْرِفًا إلا سَوَّيْتَه».
[صحيح] - [رواه مسلم]
المزيــد ...
Ebu Hejaxh Esediu, tregon se Ali ibn Ebu Talibi (Allahu qoftë i kënaqur me të!) i ka thënë: “A të të dërgoj për atë me të cilën më ka dërguar i Dërguari i Allahut ﷺ: të mos lësh pikturë (frymorësh) pa prishur e as varr të ngritur pa e rrafshuar!"
Ky hadith është sahih. - E shënon Muslimi.
Islami është i kujdesshëm që të mbyllë çdo derë që çon në shirk (idhujtari), qoftë e fshehtë, qoftë e dukshme. Aliu (Allahu qoftë i kënaqur me të!) na ka treguar se i Dërguari i Allahut ﷺ e dërgoi dhe e urdhëroi të fshijë çdo pikturë (frymorësh) që ka gjetur; për shkak të ngjashmërisë me krijimin e Allahut të Lartësuar, dhe se (njerëzit) mund të sprovohen e ta madhërojnë, gjë që i çon të tillët drejt idhujtarisë. Po ashtu, të rrënojë çdo gjë që është ndërtuar mbi varr ose e ngritur më shumë se masa e lejuar fetarisht; për shkak se, po u ngritën ato, atëherë do të jetë sprovë për njerëzit, ku mund t'i marrin si ortakë me Allahun në adhurim dhe në madhërim. Kjo është me qëllim që muslimanët ta ruajnë Islamin e tyre dhe ta pastrojnë besimin. Kjo, se bërja e pikturave të frymorëve dhe ndërtimi mbi varre çon në madhërimin dhe shenjtërimin e tyre, si dhe ngritjen e tyre mbi gradën që e kanë dhe dhënien atyre një prej të drejtave ekskluzive të Allahut të Madhëruar.