عن أبي الهياج الأسدي قال: قال لي علي رضي الله عنه : «ألا أَبْعَثُك على ما بَعَثَني عليه رسول الله صلى الله عليه وسلم ؟ أن لا تَدْعَ صُورَةً إلا طَمَسْتَها، ولا قَبْرًا مُشْرِفًا إلا سَوَّيْتَه».
[صحيح] - [رواه مسلم]
المزيــد ...

അബുൽ ഹയ്യാജ് അൽഅസദി നിവേദനം: അലി -رَضِيَ اللَّهُ عَنْهُ- എന്നോട് പറഞ്ഞു: "നബി -ﷺ- എന്നെ നിയോഗിച്ച കാര്യത്തിന് താങ്കളെയും ഞാൻ നിയോഗിക്കട്ടെയോ? ഒരു രൂപവും തകർത്തു കളയാതെ വിടരുത്. കെട്ടിഉയർത്തിയ ഒരു ഖബറും നിരപ്പാക്കാതെയും."
സ്വഹീഹ് - മുസ്ലിം ഉദ്ധരിച്ചത്

വിശദീകരണം

ബഹുദൈവാരാധനയിലേക്ക് നയിക്കുന്ന എല്ലാ വാതിലുകളും - പ്രകടമോ സൂക്ഷ്മമോ ആകട്ടെ, അവയെല്ലാം - അടക്കുന്നതിൽ ഇസ്ലാം കടുത്ത ശ്രദ്ധ പുലർത്തുന്നതായി കാണാം. അലി -رَضِيَ اللَّهُ عَنْهُ- നമ്മോട് അറിയിക്കുന്നത് നോക്കൂ. നബി -ﷺ- അദ്ദേഹത്തോട് എല്ലാ രൂപങ്ങളും തുടച്ചു മാറ്റാൻ കൽപ്പിച്ചയച്ചു. കാരണം ഇത്തരം രൂപങ്ങൾ അല്ലാഹുവിന്റെ സൃഷ്ടിപ്പിനോട് സാദൃശ്യപ്പെടാൻ ശ്രമിക്കലാണ്. അതോടൊപ്പം അവ ആദരിക്കപ്പെടുന്നതിലൂടെ സംഭവിച്ചേക്കാവുന്ന കുഴപ്പങ്ങൾ വേറെയും. വിഗ്രഹാരാധനയിലേക്ക് അത് കാര്യങ്ങളെ എത്തിച്ചേക്കാം. അതോടൊപ്പം ഖബറിന് മീതെ പടുത്തുയർത്തിയ നിർമ്മിതികളും, അനുവദിക്കപ്പെട്ട തോതിനേക്കാൾ ഉയർത്തിയ ഖബറുകളും നിരപ്പാക്കാനും നബി -ﷺ- കൽപ്പിക്കുന്നു. കാരണം അത് കെട്ടിയുയർത്തുന്നത് ജനങ്ങളെ കുഴപ്പത്തിൽ ചാടിച്ചേക്കാം. ജനങ്ങൾ അവരെ ആരാധിച്ചും അതിരുവിട്ട് ആദരിച്ചും അല്ലാഹുവിന്റെ പങ്കാളികളാക്കുകയും ചെയ്തേക്കാം. മുസ്ലിംകൾ അവരുടെ ഇസ്ലാമിക ആദർശം നിലനിർത്തുന്നതിനും, അവരുടെ വിശ്വാസം ശുദ്ധീകരിക്കുന്നതിനുമാണ് ഇതെല്ലാം. രൂപങ്ങൾ നിർമ്മിക്കുന്നതും, ഖബറുകൾക്ക് മേൽ കെട്ടിപ്പടുക്കുന്നതും അതിനെ ആദരിക്കുന്നതിലേക്കും അതിന് ദിവ്യത്വം കൽപ്പിക്കുന്നതിലേക്കും, അവക്ക് അർഹമായതിനേക്കാൾ ഉയർന്ന പരിഗണനയും പദവിയും നൽകുന്നതിലേക്കും, ക്രമേണ അല്ലാഹുവിന്റെ അവകാശങ്ങൾ ഇവക്ക് കൂടി നൽകുന്നതിലേക്കും നയിക്കുന്നതാണ്.

പരിഭാഷ: ഇംഗ്ലീഷ് ഫ്രഞ്ച് സ്‌പെയിൻ തുർക്കി ഉർദു ഇന്തോനേഷ്യ ബോസ്‌നിയ റഷ്യ ബംഗാളി ചൈനീസ് പേർഷ്യൻ ഇന്ത്യൻ വിയറ്റ്നാമീസ് സിംഹള ഉയ്ഗൂർ കുർദിഷ് ഹൗസാ പോർച്ചുഗീസ് തെലുങ്ക്‌ സ്വാഹിലി തമിൾ ബോർമീസ് തായ്ലാൻഡിയൻ ജെർമൻ ജപ്പാനീസ് പഷ്‌'തു ആസാമീസ് അൽബാനിയൻ السويدية الأمهرية الهولندية الغوجاراتية
വിവർത്തനം പ്രദർശിപ്പിക്കുക

ഹദീഥിൻ്റെ പാഠങ്ങളിൽ നിന്ന്

  1. * രൂപം നിർമ്മിക്കൽ നിഷിദ്ധമാണ്. എല്ലാതരത്തിലുള്ള ചിത്രപ്പണികളും രൂപങ്ങളും നീക്കംചെയ്യുക എന്നത് നിർബന്ധവുമാണ്.
  2. * പരസ്പരം സത്യം കൊണ്ട് ഉപദേശിക്കുകയും, നന്മ കൽപ്പിക്കുകയും തിന്മ വിരോധിക്കുകയും, മതത്തിലുള്ള അറിവുകൾ പങ്കുവെക്കുകയും വേണം.
  3. * ഖബറുകൾക്ക് മേൽ കെട്ടിടങ്ങൾ പണിതു കൊണ്ടോ മറ്റോ അവ ഉയർത്തുന്നത് നിഷിദ്ധമാണ്. കാരണം അവ ശിർക്കിലേക്ക് നയിക്കുന്ന വഴികളിൽ പെട്ടതാണ്.
  4. * ഖബറുകൾക്ക് മേൽ കെട്ടിപ്പടുത്തിട്ടുള്ള ഖുബ്ബകൾ പൊളിച്ചു കളയുക എന്നത് നിർബന്ധമാണ്.
  5. * ഖബറുകൾക്ക് മേൽ കെട്ടിപ്പടുക്കുക എന്നത് പോലെ തന്നെ, രൂപങ്ങളും ചിത്രങ്ങളും നിർമ്മിക്കലും ശിർക്കിലേക്ക് നയിക്കുന്ന കാര്യങ്ങളിൽ പെട്ടതാണ്.
  6. * ഖബറുകൾക്ക് മേൽ വലിയ അടയാളക്കുറികളോ, അതല്ലെങ്കിൽ അലങ്കരിക്കപ്പെട്ട നാട്ടക്കുറികളോ വെക്കുന്നതും ഖബറുകൾ കെട്ടിപ്പടുക്കുക എന്നതിൽ ഉൾപ്പെടുന്നതാണ്. മീസാൻ കല്ലുകൾ ഉദാഹരണം.
കൂടുതൽ