عن أبي أيوب الأنصاري رضي الله عنه قال: قال رسول الله صلى الله عليه وسلم : «لا يحل لمسلم أن يهجر أخاه فوق ثلاث ليال، يلتقيان: فيُعرض هذا، ويُعرض هذا، وخيرهما الذي يبدأ بالسلام».
[صحيح] - [متفق عليه]
المزيــد ...
له ابو ایوب انصاري رضي الله عنه څخه روایت دی چې رسول الله - صلی الله علیه وسلم - وفرمایل: د مسلمان لپاره روا ندي چې خپل ورور له دریو شپو څخه زیات پریږدي، کله چې دوی سره مخ کیږي: نو دا ترې مخ اړوي، او هغه هم ترې مخ اړوي، او په دې دواړو کې غوره هغه څوک دی چې په سلام پیل وکړي.
صحيح - متفق علیه دی ( بخاري اومسلم دواړو روایت کړی دی)
په حدیث کې منع راغلې لدې چې یو مسلمان بل مسلمان ورور سره له دریو شپو زیات پریکون وکړي، کله چې دوی یو له بل سره مخ کیږي نو مخ ترې اړوي، سلام پرې نه اچوي او نه ورسره خبرې کوي، لدې څخه معلومیږي چې درې او له دریو څخه د کمو شپو لپاره پریکون روا دی، د انسان د خوی په پام کې نیولو له امله؛ ځکه چې انسان په فطري توګه غصه ناک او تند خویه پيدا شوی، نو لدې امله ورته بخښنه شوې تر څو یې بدل شوی حالت بیرته سم شي، او له حدیث څخه په پریکون کې مراد د ځان په خاطر دی ، او کوم پريکون چې د الله تعالی لپاره وي، لکه د ګناه کارانو، بدعتیانو، بدو ملګرو، نو دا په وخت سره مقید ندی، بلکه د لامل پورې تړلی دی، کله چې هغه ناوړه صفت ورڅخه لاړ، بیا پریکون پای ته رسیږي، او د دوی دواړو مخالفینو تر منځه غوره هغه انسان دی چې د پریکون پای ته رسولو هڅه وکړي، او په سلام سره پیل وکړي.