عن أبي أيوب الأنصاري رضي الله عنه قال: قال رسول الله صلى الله عليه وسلم : «لا يحل لمسلم أن يهجر أخاه فوق ثلاث ليال، يلتقيان: فيُعرض هذا، ويُعرض هذا، وخيرهما الذي يبدأ بالسلام».
[صحيح] - [متفق عليه]
المزيــد ...
Ebu Ejub Ensariu (Allahu qoftë i kënaqur me të!) tregon se i Dërguari i Allahut ﷺ ka thënë: "Muslimanit nuk i lejohet të mos i flasë vëllait të tij më shumë se tri net. Kur ata dy takohen, ky ia kthen shpinën, e edhe ai i tjetri ia kthen. Më i miri prej tyre është ai që fillon me selam."
Ky hadith është sahih. - Muttefek alejhi.
Në hadith tregohet se është e ndaluar për muslimanin të mos i flasë vëllait të tij musliman më shumë se tri net; ata takohen me njëri-tjetrin dhe ai largohet prej tij e nuk e përshëndet e as i flet. Prej këtij hadithi kuptohet se bojkotimi është i lejuar deri në tri net ose më pak, duke e marrë në konsideratë natyrshmërinë njerëzore; sepse njeriu instinktivisht zemërohet dhe ka sjellje të këqija, kështu që i falet nëse e bojkoton deri në tri net, që t'i largohet ky zemërim. Ajo që nënkuptohet me bojkot në hadith është bojkoti për gjëra personale, sepse bojkoti për hir të Allahut të Lartësuar, për hakun e Tij, bie fjala, bojkoti i mëkatarëve, bidatçinjve e shokëve të këqij, kjo nuk përcaktohet me kohë, por është e ndërlidhur me atë shkak i cili, po u largua, atëherë largohet edhe bojkoti. Më i miri nga këta dy që janë në hasmëri është ai që përpiqet të eliminojë bojkotin dhe fillon me selam (e përshëndet dhe fillon t'i flasë vëllait të tij).