Hadithi: Mos i shani të vdekurit, sepse ata kanë arritur te veprat që kanë punuar!

عن عائشة رضي الله عنها قالت: قال النبي صلى الله عليه وسلم:
«لَا تَسُبُّوا الْأَمْوَاتَ، فَإِنَّهُمْ قَدْ أَفْضَوْا إِلَى مَا قَدَّمُوا».
[صحيح] - [رواه البخاري] - [صحيح البخاري: 1393]

Aishja (Allahu qoftë i kënaqur me të!) tregon se Profeti ﷺ ka thënë:
"Mos i shani të vdekurit, sepse ata kanë arritur te veprat që kanë punuar!"
[Ky hadith është sahih] - [E shënon Buhariu] - [Sahihu i Buhariut - 1393]

Shpjegimi

Profeti ﷺ në këtë hadith sqaron se është e ndaluar sharja e të vdekurve dhe cenimi i nderit të tyre dhe se kjo është një nga veset. Ata tashmë kanë arritur te veprat që kanë punuar, qofshin të mira, qofshin të këqija, si dhe kjo sharje nuk u arrin atyre, por përkundrazi i lëndon të gjallët (nga familjarët e miqtë e tyre).

Mësime nga hadithi

1. Hadithi është argument për ndalimin e sharjes së të vdekurve.
2. Mossharja e të vdekurve është tregues i pasjes në konsideratë nga të gjallët dhe për të ruajtur sigurinë e shoqërisë nga mllefi dhe urrejtja.
3. Urtësia e ndalimit të sharjes së tyre është se ata arritën tek ajo që e bënë, ndërsa sharja e tyre nuk bën dobi. Gjithashtu, nga urtësia e mossharjes është se kjo është shkak që të afërmit e tyre të gjallë të lëndohen.
4. Njeriu nuk duhet të thotë diçka prej së cilës nuk ka dobi.