Ҳадис: Ўлганларни сўкманглар, чунки улар қилган амаллари(нинг жазоси ёки мукофоти)га етиб бўлишган»,— дедилар

عن عائشة رضي الله عنها قالت: قال النبي صلى الله عليه وسلم:
«لَا تَسُبُّوا الْأَمْوَاتَ، فَإِنَّهُمْ قَدْ أَفْضَوْا إِلَى مَا قَدَّمُوا».
[صحيح] - [رواه البخاري] - [صحيح البخاري: 1393]

Оиша разияллоҳу анҳо ривоят қиладилар: Расулуллоҳ соллаллоҳу алайҳи ва саллам:
«Ўлганларни сўкманглар, чунки улар қилган амаллари(нинг жазоси ёки мукофоти)га етиб бўлишган»,— дедилар.
[Саҳиҳ] - [Имом Бухорий ривояти] - [Саҳиҳи Бухорий - 1393]

Изоҳ

Набий соллаллоҳу алайҳи ва саллам ўлганларни сўкиш ва обрўларини тўкиш ҳаром ва ёмон хулқ эканини хабар бердилар. Чунки улар солиҳ ёки ёмон амалларининг мукофот ёки жазосига етдилар ва шу билан бирга бу сўкиш уларга етмаслигини, балки тирикларга азият беришини хабар бердилар.

Ҳадиснинг фойдалари

1. Ҳадис ўлганларни сўкиш ҳаром эканлигига далилдир.
2. Ўлганларни сўкишни тарк этиш ва тирикларнинг ҳис туйғусини риоя қилиш, халқ ичидаги ўзаро душманлик ва ёмон кўришдан сақлайди.
3. Ўликларни сўкишдан қайтаришнинг ҳикмати шуки: улар қилган амалларининг жазоси ёки мукофотига етиб бўлдилар. Сўкиш фақат уларнин яқинларига зарар беради холос.
4. Инсон фойдасиз бўлган ишни айтмаслиги лозим.