Ab Adiis: waat day jariñ liñuy jaay waaye day yàq tonowu

عَن أَبي هُرَيْرَةَ رضي الله عنه قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«الْحَلِفُ مَنْفَقَةٌ لِلسِّلْعَةِ، مَمْحَقَةٌ لِلرِّبْحِ».
[صحيح] - [متفق عليه] - [صحيح مسلم: 1606]

Jële nañu ci Abuu Hurayrata -yal na ko Yàlla dollee gërëm- mu wax ne: dégg naa Yonnente Yàlla bi -yal na ko Yàlla dolli xéewal ak mucc- muy wax ne:
"waat day jariñ liñuy jaay waaye day yàq tonowu".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Muslim bi gën a wér - 1606]

Leeral

Yonente bi yal na ko Yàlla dolli xéewal ak mucc day moytandikuloo giñ yu bari donte aji-dëggal la ci jaay ak jënd, mu xamle ne sabab la ci njaay mi jar, waaye day wàññi di yàq Barakeb tono li, te amaaana Yàlla xirtal ca ay yàqkat walla ay sàcc walla lakk walla lab walla ñu siif ko walla yeneen yuy yàq alal ja.

Bokk na ci njariñi Adiis bi

1. Màggal mbirum giñ ci Yàlla, ak ne aajo rekk moo wara tax ñu def ko.
2. Fàggu gu araam donte amenañu ca lu bari; day tax baarke ba deñ.
3. Al-Xaarii nee na: baarke bu deñ ci lañu fàggu mooy: benn alal ji yàqu, walla ñu def ko ci lu amul njariñ ci àdduna walla yool ca allaaxira, walla mu des fi moom ñu xañ ko njariñ la, walla ku mu gërëmul donn ko.
4. An-Nawawii nee na: tere na ñu waat yu bari ci njaay mi, ndax giñ ci ku dul ki ko aajowoo lu ñu sib la, niki noonu day tax njaay mi mi gaaw a jar, amaana sax aji-jënd ji woru ci ngiñ li.
5. Giñ bu bari ngëm gu wàññeeku la, Tawhiid ju wàññeeku la it, ndaxte giñ bu bari day waral ñaari mbir: ben bi: woyofal loolu ak ñàkk ko a faale, ñaareelu mbir mi: fen la, ndax ku bari giñ rekk tàbbi ci ay fen, kon jaadu na ñu néewal ko te bañ koo baril, loolu moo tax su nu boroom mu Sell mi wax ne: (nangeen wattu seen giñ yi) [Al-Maa-ida: 89].