ဟဒီးဆ်: ကုရ်အာန်ကျမ်းမြတ်ကို အသံကျယ်စွာ ဖတ်ရွတ်သူသည် လူသိရှင်ကြား ဆွဒ်ကဟ်အလှူဒါနပြုသူကဲ့သို့ဖြစ်သည်။

عن عقبة بن عامر الجهني، قال: قال رسول الله - صلى الله عليه وسلم -: "الجاهر بالقرآن كالجاهر بالصدقة، والمسر بالقرآن كالمسر بالصدقة"
[صحيح] - [رواه أبو داود والترمذي والنسائي]

အွက်ဗဟ်ဗင်န်အာမိရ် အလ်ဂျုဟနီ(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)က မိန့်တော်မူသည်။ ကုရ်အာန်ကျမ်းမြတ်ကို အသံကျယ်စွာ ဖတ်ရွတ်သူသည် လူသိရှင်ကြား ဆွဒ်ကဟ်အလှူဒါနပြုသူကဲ့သို့ဖြစ်သည်။ ကုရ်အာန်ကျမ်းမြတ်ကို တီးတိုးစွာ ဖတ်ရွတ်သူသည် တိတ်တဆိတ် ဆွဒ်ကဟ်အလှူဒါနပြုသူကဲ့သို့ဖြစ်သည်။
ဤဟဒီးဆ်သည် ဆွဟီးဟ် အဆင့်ရှိသည်။ - အဗူဒါဝူဒ်ကျမ်း။

ရှင်းလင်းချက်

ကုရ်အာန်ကျမ်းမြတ်ကို အသံကျယ်စွာ ဖတ်ရွတ်သူသည် လူသိရှင်ကြား လှူဒါန်းပေကမ်းသူနှင့်တူပြီး၊ ကုရ်အာန်ကျမ်းမြတ်ကို တိတ်တဆိတ် ဖတ်ရွတ်သူသည် လူသိရှင်ကြား ကုသိုလ်ကောင်းမှုပြုလုပ်ခြင်းဆိုင်ရာ အမိန့်အရ လျှို့ဝှက်စွာ အလှူဒါနပြုသူနှင့်တူညီသည်။ အလ္လာဟ်အရှင်မြတ် မိန့်ကြားတော်မူသည်မှာ- (အကယ်၍ အသင်တို့သည်(မိမိတို့ပေးကမ်း စွန့်ကြဲကြကုန်သော) အလှူဝတ္ထုများကို ထင်ရှားစွာ (လှူဒါန်းပေးကမ်းကြပါမူ) ယင်းသို့ထင်ရှားစေခြင်းသည်လည်း ကောင်းမြတ်၏။ သို့ရာတွင် အကယ်၍ အသင်တို့သည် ယင်း(ပေးကမ်းလှူဒါန်း ကြကုန်သော) အလှူဝတ္ထုများကို လျှို့ဝှက်စွာသူဆင်းရဲတို့အား ပေးကမ်းစွန့်ကြဲကြပါမူ၊ ယင်းသို့ လျှို့ဝှက်ခြင်းသည်ကား အသင်တို့အဘို့ရာ သာ၍ပင်ကောင်းမြတ်ပေသည်။) ကုရ်အာန်(၂:၂၇၁) ဆွဒ်ကဟ် အလှူဒါနပြုခြင်းနှင့် ကုရ်အာန်ကျမ်းမြတ်ဖတ်ရွတ်ခြင်းသည် အခြေခံအားဖြင့် တိတ်တဆိတ် ပြုလုပ်ရမည်ပင်ဖြစ်သည်။ ထိုသို့ပြုလုပ်ခြင်းသည် အိခ်လာဆ်ွရရှိရန် အကြီးမားဆုံးအကြောင်းခံပင်ဖြစ်သည်။သို့သော် လူသိရှင်ကြားပြုလုပ်ခြင်းသည်လည်း ကောင်းမြတ်ပေသည်။ အထူးသဖြင့် ထိုနေရာတွင် ကုရ်အာန်ဖတ်ရွတ်သံကို နားထောင်မည့်သူ သို့မဟုတ် အကျိုးခံစားမည့်သူရှိပါက အခြားသူများကို ဒုက္ခမဖြစ်စေလျှင် အသံကျယ်လောင်စွာ ဖတ်ရွတ်ခြင်းသည် ကောင်းမြတ်လှသည်။ ၎င်းသည် အခြားသူများ အတုယူကာ အလှူဒါနပြုလာစေရန်အတွက် လူသိရှင်ကြား အလှူဒါနပြုသူကဲ့သို့ဖြစ်သည်။