ဟဒီးဆ်: “သင်တို့သည် မိမိတို့ကိုယ်ကို မတရားညှဥ်းဆဲခဲ့ကြသောသူတို့၏ နေရာများသို့ မဝင်ရောက်ကြကုန်လင့်။ သို့သော် အသင်တို့ ငိုကြွေးမြည်တမ်းလျက် (၎င်းတို့၏အဖြစ်ကို သင်ခန်းစာယူသည့်အနေဖြင့် ဝင်လိုလျှင်သာ) ဝင်ကြလော့

عَنْ عَبْدِ اللهِ بْنِ عُمَرَ رَضيَ اللهُ عنهُما قَالَ: مَرَرْنَا مَعَ رَسُولِ اللهِ صَلَّى اللهُ عَلَيْهِ وَسَلَّمَ عَلَى الْحِجْرِ، فَقَالَ لَنَا رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَدْخُلُوا مَسَاكِنَ الَّذِينَ ظَلَمُوا أَنْفُسَهُمْ، إِلَّا أَنْ تَكُونُوا بَاكِينَ؛ حَذَرًا أَنْ يُصِيبَكُمْ مِثْلُ مَا أَصَابَهُمْ» ثُمَّ زَجَرَ فَأَسْرَعَ حَتَّى خَلَّفَهَا.
[صحيح] - [متفق عليه] - [صحيح مسلم: 2980]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အဗ်ဒုလ္လာဟ် ဗင်န် အိုမရ် (ရဿွိယလ္လာဟုအန်ဟုမာ) ထံမှ ဆင့်ပြန်လာရှိသည်။ ၎င်းက ပြောပြသည်- ကျွန်ုပ်တို့သည် ရစူလ်တမန်တော်မြတ် (ဆွလ္လလ္လာဟု အလိုင်ဟိဝစလ္လမ်) နှင့်အတူ ဟိဂ်ျရ် (ဆမူးဒ်အမျိုးသားတို့နေထိုင်ရာ ကျောက်ဆောင်ဒေသ) ကို ဖြတ်သန်းကြစဉ်၊ ရစူလ်တမန်တော်(ဆွလ္လလ္လာဟု အလိုင်ဟိဝစလ္လမ်)က ကျွန်ုပ်တို့အား မိန့်ကြားတော်မူသည်-
“သင်တို့သည် မိမိတို့ကိုယ်ကို မတရားညှဥ်းဆဲခဲ့ကြသောသူတို့၏ နေရာများသို့ မဝင်ရောက်ကြကုန်လင့်။ သို့သော် အသင်တို့ ငိုကြွေးမြည်တမ်းလျက် (၎င်းတို့၏အဖြစ်ကို သင်ခန်းစာယူသည့်အနေဖြင့် ဝင်လိုလျှင်သာ) ဝင်ကြလော့။ အကြောင်းမှာ သူတို့ထံ ကျရောက်ခဲ့သောပြစ်ဒဏ်မျိုး သင်တို့ထံသို့လည်း ကျရောက်လာမည်ကို စိုးရိမ်ရသော ကြောင့်ဖြစ်သည်။" ထို့နောက် ကိုယ် တော်သည် (မိမိ၏ အစီးအနင်းကို) အရှိန်တင်ကာ ထိုနေရပ်ကို ကျော်လွန်သည်အထိ အမြန်နှုန်းဖြင့် စီးနင်းသွားတော်မူခဲ့သည်။
[صحيح] - [متفق عليه] - [صحيح مسلم - 2980]

ရှင်းလင်းချက်

တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) သည် ဆမူးဒ်အမျိုးသားတို့၏ နေရပ်ကို ဖြတ်သန်းတော်မူသည့်ချိန်၌ မိမိတို့ကိုယ်ကို မတရားညှဉ်းဆဲခဲ့ကျသော အပြစ်ဒဏ်ခံရသည့်လူများ၏ နေရပ်သို့ ဝင်ရောက်ခြင်း သို့မဟုတ် သွားရောက်ခြင်းမှ တားမြစ်တော်မူခဲ့သည်။ သို့ရာတွင် ငိုကြွေးမြည်တမ်းလျက်၊ ၎င်းတို့၏ အဖြစ်အပျက်ကို သင်ခန်းစာယူလျက် ဝင်မည်ဆိုလျင်မူ ဝင်ရောက်သွားလာခွင့်ရှိသည်။ အကြောင်းမှာ ၎င်းတို့ထံ သက်ရောက်ခဲ့သော ပြစ်ဒဏ်မျိုး မိမိထံသို့လည်း သက်ရောက် လာမည်ကို စိုးရိမ်ရသောကြောင့်ဖြစ် သည်။ ထို့နောက် ကိုယ်တော်သည် မိမိ၏အစီးအနင်း(ကုလားအုပ်မ)ကို အရှိန်တင်ကာ ထိုနေရပ်ကို ကျော်လွန်သည်အထိ အမြန်နှုန်းဖြင့် စီးနင်းသွားတော်မူခဲ့သည်။

ဟဒီးဆ်မှ သိမှတ်ဖွယ်ရာများ

1. အလ္လာဟ်အရှင်မြတ် ဖျက်ဆီးတော်မူခဲ့သော လူများ၏ အခြေအနေကို ဆင်ခြင်စဉ်းစားခြင်း၊ သူတို့ကျရောက်ခဲ့ရသော အပြစ်ဒဏ်မျိုးတွင် မကျရောက်ရန် သတိထားရှောင်ကျဉ်ခြင်း၊ အရှင့်သက်သေလက္ခဏာတော်များကို ဆင်ခြင်နှလုံးသွင်းရန် ပေါ့ဆခြင်းမှ သတိထားခြင်းတို့ဖြစ်သည်။
2. ထိုအပြစ်ဒဏ်ခံရသူများ၏ နေရပ်များသည် သူတို့ပျက်စီးပြီးနောက် အခြားသူများ အခြေချနေထိုင်ရန်၊ မြို့တည်ရန် မသင့်တော်ပါ။ အကြောင်းမှာ (ထိုနေရာ၌) အမြဲတမ်းနေထိုင်သူသည် အချိန်တိုင်း ငိုကြွေးမြည်တမ်းနေသူ မဖြစ်နိုင်သောကြောင့်ပင်။ ထို့ပြင် ယင်း သို့သော(ငိုကြွေးမြည်တမ်းလျက်) အခြေအနေဖြင့်သာ ဝင်ရန် ခွင့်ပြုထားခြင်း ဖြစ်သော ကြောင့်ဖြစ်သည်။
3. အိမာမ်နဝဝီက မိန့်ဆိုသည်- မိမိကိုယ်ကို မတရားညှင်းဆဲခဲ့သူများ၏ နေရာများ၊ အပြစ်ဒဏ်ကျရောက်ခဲ့သော နေရာများကို ဖြတ်သန်းရာတွင် (အလ္လာဟ်အရှင်မြတ်ကို) အာရုံပြုရန် တိုက်တွန်းထားသည်။ ထိုနည်းတူ ဝါဒီမုဟတ်စိရ် (မက္ကာမြို့အနီးရှိ ချိုင့်ဝှမ်း) ၌ အရှိန်မြှင့်၍ ဖြတ်သန်းသွားလာရန် တိုက်တွန်းထားသည်။ အဘယ်ကြောင့်ဆိုသော်မှာ ဆင်တပ်များ (အဘာဘီးလ်ငှက်များ စေလွှတ်၍ ဖျက်ဆီးခြင်းခံခဲ့ရသော အဗ်ရဟဟ်ဘုရင်၏ ဆင်တပ်များ) သည် ထိုနေရာ၌ ပျက်စီးခဲ့ကြသောကြောင့်ဖြစ်သည်။ ထို့ကြောင့် ဤကဲ့သို့သော နေရာများကို ဖြတ်သန်းသွားလာသူသည် (အလ္လာဟ်အရှင်မြတ်ကို) အာရုံပြုခြင်း၊ ကြောက်ရွံ့ခြင်း၊ ငိုကြွေးခြင်း၊ ထိုသူများ၏ အဖြစ် အပျက်နှင့် သူတို့ကျဆုံးရာနေရာများမှ သင်ခန်းစာယူခြင်း၊ ထိုပြစ်ဒဏ်မျိုးမှ အလ္လာဟ်အရှင်မြတ်ထံ ခိုလှုံခြင်းတို့ကို ပြုလုပ်သင့်သည်။
4. တားမြစ်ခြင်းနှင့် သတိပေးခြင်းသည် ဆမူးဒ်လူမျိုးများ၏ နေရာများနှင့် ၎င်းတို့ကဲ့သို့ အပြစ်ဒဏ်ခံခဲ့ရသော အခြားလူမျိုးအပေါင်းတို့၏ နေရာများအတွက်လည်း အကျုံးဝင်သည်။
5. ထိုနေရာများ၊ ထိုဒေသများကို ခရီးသွားလည်ပတ်ရန်၊ အပန်းဖြေစရာနေရာ စသည်တို့အဖြစ် ပြုလုပ်ခြင်းကို တားမြစ်ထားသည်။