ဟဒီးဆ်: အကြင်သူသည် မိမိညီနောင်၏ ဂုဏ်သိက္ခာကို (၎င်းသူကွယ်ရာ၌) ကာကွယ်ပေးခဲ့လျှင် ကိယာမသ် တရားစီရင်မည့်နေ့၌ အလ္လာဟ်အရှင်မြတ်သည် ထိုသူ၏ မျက်နှာအား ဂျဟန္နမ်ငရဲမီးမှ ကာကွယ်ပေးတော်မူမည်ဖြစ်သည်။
عن أبي الدرداء رضي الله عنه عن النبي صلى الله عليه وسلم قال: «مَنْ رَدَّ عَنْ عِرْضِ أَخِيهِ رَدَّ اللَّهُ عَنْ وَجْهِهِ النَّارَ يَوْمَ الْقِيَامَةِ».
[صحيح] - [رواه الترمذي وأحمد]
المزيــد ...
အဗူဒရ်ဒါအ်(ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ အကြင်သူသည် မိမိညီနောင်၏ ဂုဏ်သိက္ခာကို (၎င်းသူကွယ်ရာ၌) ကာကွယ်ပေးခဲ့လျှင် ကိယာမသ် တရားစီရင်မည့်နေ့၌ အလ္လာဟ်အရှင်မြတ်သည် ထိုသူ၏ မျက်နှာအား ဂျဟန္နမ်ငရဲမီးမှ ကာကွယ်ပေးတော်မူမည်ဖြစ်သည်။
ဤဟဒီးဆ်သည် ဆွဟီးဟ် အဆင့်ရှိသည်။ - သိရ်မိဇီကျမ်း။
မိမိညီနောင်မွတ်စ်လင်မ်တစ်ဦး၏ ဂုဏ်သိက္ခာကို ကာကွယ်ပေးသူ၏ ထူးမြတ်မှုကို ဟဒီးဆ်တော်တွင် တင်ပြထားသည်။ အကယ်၍ ထိုင်ဝိုင်းတစ်ခု၌ တစ်ဦးတစ်ယောက်က ထိုသူ့အကြောင်း အတင်းပြောလာပါက သင့်အနေဖြင့် မိမိညီနောင်မွတ်စ်လင်မ်အပေါ် ကာကွယ်ပေးရန်၊ အတင်းပြောသူကို နှုတ်ဆိတ်သွားစေရန်နှင့် မကောင်းမှုအား တားမြစ်ရန်တာဝန်ရှိပေသည်။ အကယ်၍ သင့်အနေဖြင့် ထိုသူ့ကို မကာကွယ်ပေးခဲ့လျှင် ဤသည် သင့်ညီနောင်မွတ်စ်လင်မ်တစ်ဦးအား အကူအညီမပေးဘဲ စွန့်ပစ်ထားခြင်းပင်ဖြစ်သည်ဟု သတ်မှတ်ရမည်ဖြစ်သည်။ထိုသို့ကာကွယ်ပေးခြင်း၏ အလိုသဘောသည် ကွယ်ရာ၌ ကာကွယ်ပေးခြင်းကိုဆိုလိုကြောင်းကို အတ်စ်မာအ် ဗင်န်သိ ယဇီးဒ်က တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)ထံမှ ဆင့်ပြန်ခဲ့သော ဟဒီးဆ်တော်တွင် ဖော်ပြထားသည်။ "c2">“အကြင်သူသည် မိမိညီနောင်၏ အသားစားခြင်း(နောက်ကွယ်အတင်းပြောခြင်း)ကို ကာကွယ်ပေးခဲ့မည်ဆိုလျှင် ၎င်းသူအား ဂျဟန္နမ်၏ငရဲမီးမှ လွတ်မြောက်မှုပေးရန် အလ္လာဟ်အရှင်မြတ်က တာဝန်ယူမည်ဖြစ်သည်။” (အဟ်မဒ်ကျမ်း၊ ရှိုခ်အလ်ဗာနီက ဤဟဒီးဆ်တော်ကို ဆွဟီးဟ် မှန်ကန်ကြောင်း တင်ပြခဲ့သည်။)
ဟဒီးဆ်မှ သိမှတ်ဖွယ်ရာများ
- ဤအကျိုးကုသိုလ်သည် အတင်းပြောခံရသည့် သင်၏ညီနောင်မွတ်စ်လင်မ် မရှိသည့်အခါမျိုးအတွက် သီးသန့်ဖြစ်သည်။
- လုပ်ရပ်အမျိုးအစားနှင့်အညီ အစားရလဒ်ရရှိခြင်းဖြစ်သည်။ ၎င်းသည် မိမိညီနောင်၏ ဂုဏ်သိက္ခာကို ကာကွယ်ပေးခဲ့သည့်အတွက် အလ္လာဟ်အရှင်မြတ်ကလည်း သူ့အား ဂျဟန္နမ်ငရဲမီးမှ ကာကွယ်ပေးတော်မူခြင်းဖြစ်သည်။
- ဂျဟန္နမ်ငရဲမီးနှင့် ကိယာမသ် တရားစီရင်မည့်နေ့အမှန်တကယ်ရှိကြောင်း အတည်ပြုတင်ပြထားသည်။
အမျိုးအစားများ
ထပ်၍
- ဟဒီးဆ်: အကယ်၍ လူတစ်ဦးသည် မိမိ၏ ညီနောင်အား ချစ်ခင်ပါက ၎င်းအား ချစ်ခင်ကြောင်း အသိပေးပါ။
- ဟဒီးဆ်: အကယ်၍ ကြီးလေးသော အပြစ်အကုသိုလ်များကို ရှောင်ကြဉ်ပါက ဆွလာသ်ငါးကြိမ်သည်လည်းကောင်း၊ ဂျုမုအဟ်တစ်ကြိမ်မှ နောက်ဂျုမုအဟ်သည်လည်းကောင်း၊ ရမဿွာန်တစ်လမှ နောက်ရမဿွာန်သည်လည်းကောင်း ယင်းတို့၏ စပ်ကြား၌ရှိသော အကုသိုလ်များအား ပလပ်စေမည်ဖြစ်သည်။
- ဟဒီးဆ်: ရောင်းသည့်အခါ၊ ဝယ်သည့်အခါနှင့် မိမိ၏ ရပိုင်ခွင့်ကို တောင်းဆိုသည့်အခါ သက်ညှာထောက်ထားသူကို အလ္လာဟ်အရှင်မြတ် ကရုဏာသက်တော်မူပါစေ။
- ဟဒီးဆ်: ပုဂ္ဂိုလ်တစ်ဦးသည် လူတို့အား အကြွေးပေးလေ့ရှိသည်။ ၎င်းက မိမိ၏ အခိုင်းအစေအား သင်သည် ကျပ်တည်းသူဆီသို့ အကြွေးသွားတောင်းလျှင် စောင့်ဆိုင်းပေးပြီး နူးညံ့စွာဆက်ဆံပါ။ အလ္လာဟ်အရှင်မြတ်ကလည်း ကျွန်ုပ်တို့ကို ခွင့်လွှတ်ရန် မျှော်လင့်ရသည်ဟု အမြဲပြောလေ့ရှိသည်။ သို့ဖြစ်၍ ထိုသူသည် (ကွယ်လွန်ပြီးနောက်) အလ္လာဟ်အရှင်မြတ်နှင့် တွေ့ဆုံခဲ့ရာ အရှင်မြတ်က သူ့အား ခွင့်လွှတ်တော်မူခဲ့သည်။
- ဟဒီးဆ်: ပုဂ္ဂိုလ်တစ်ဦးက တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)အား ကျွန်တော်မျိုးအား ဆုံးမတော်မူပါဟု လျှောက်ထားခဲ့သည်။ ကိုယ်တော်က အသင် ဒေါသမထားနှင့်ဟု မိန့်တော်မူသည်။ ထိုပုဂ္ဂိုလ်က အကြိမ်ကြိမ်လျှောက်ထားခဲ့ရာ ကိုယ်တော်က (အကြိမ်တိုင်းတွင်) အသင်ဒေါသမထားနှင့်ဟုသာ မိန့်တော်မူခဲ့သည်။
- ဟဒီးဆ်: ဧကန်မုချ တရားမျှတသူများသည် အလ္လာဟ်အရှင်မြတ်ထံတော်ပါးတွင် နူရ်အလင်းရောင်နှင့်အတိဖြစ်သော ပလ္လင်များထက်ဝယ်ရှိကြလိမ့်မည်။ ၎င်းတို့သည် မိမိတို့၏ အမိန့်ဆုံးဖြတ်ချက်၌လည်းကောင်း၊ မိမိတို့၏ မိသားစုများတွင်လည်းကောင်း၊ မိမိတို့ တာဝန်ယူရသည့် ကိစ္စတို့၌လည်းကောင်း တရားမျှတမှုရှိကြသည်။
- ဟဒီးဆ်: လူတစ်ချို့သည် အလ္လာဟ်အရှင်မြတ်၏ပစ္စည်းများကို မမှန်မကန် သုံးစွဲခဲ့ကြသည်။ထို့ကြောင့် ၎င်းတို့အတွက် ကိယာမသ်နေ့တွင်ငရဲမီးရှိသည်။