Inyigisho y'intumwa: Uwo wese azoharanira agateka n'icubahiro vya mwenewabo, mu kumwishurira ibimuvugwako atari ho ari, Imana Allah Izomukingira umuriro ku musi w'izuka ry'ibiremwa
عن أبي الدرداء رضي الله عنه عن النبي صلى الله عليه وسلم قال:
«مَنْ رَدَّ عَنْ عِرْضِ أَخِيهِ رَدَّ اللهُ عَنْ وَجْهِهِ النَّارَ يَوْمَ الْقِيَامَةِ».
[صحيح] - [رواه الترمذي وأحمد] - [سنن الترمذي: 1931]
المزيــد ...
Mu vyakiriwe na Abu Al-Dardaa-i (Imana Allah Imwishimire) ku Muvugishwamana (nyakugira amahoro n'impuhwe z'Imana Allah) yavuze ati:
"Uwo wese azoharanira agateka n'icubahiro vya mwenewabo, mu kumwishurira ibimuvugwako atari ho ari, Imana Allah Izomukingira umuriro ku musi w'izuka ry'ibiremwa".
[صحيح] - [رواه الترمذي وأحمد] - [سنن الترمذي - 1931]
Umuvugishwamana (nyakugira amahoro n'impuhwe z'Imana Allah), aratwiganira ko uwuvugiye mwenewabo w'umwislamu atahari mu guharanira agateka n'icubahiro ciwe, maze akanka ko atukwa canke avugwa nabi, Imana Allah Izoheza Imukingire ibihano ku musi w'izuka ry'ibiremwa.
Zimwe mu nyungu ziri muri iyi nyigisho y'intumwa:
- Birabujijwe kuvuga nabi mu gutosekaza agateka n'icubahiro vy'abislamu.
- Umuntu ahemberwa ico yakoze (impera itangwa hisunzwe ubwoko bw'igikorwa umuntu yakoze), ni co gituma uwuharaniye agateka n'icubahiro vya mwenewabo, mu kumwishurira ibimuvugwako atari ho ari, Imana Allah Izomukingira kwinjira mu muriro.
- Ubwislamu, ni idini ryitaho ugutsimbataza ubuvandimwe n'ugutabarana hagati y'abislamu.
Igaburwa mu migwi
Ivyiyongeyeko
- Inyigisho y'intumwa: Nta n'umwe yemera bikwiye, atabanje gukundira mwenewabo mu bantu ko aronka nk'ivyo wenyene ubwiwe akunda ko yoronka
- Inyigisho y'intumwa: Mu vy'ukuri, Imana Allah Yarategetse kurangwa n'ubugwaneza ku kintu cose umuntu akoze
- Inyigisho y'intumwa: Mu vy'ukuri, mu vyahanahanwe n'abantu bakabitahura mu majambo y'ivugishwamana ryo kuva kera na rindi, ni uko iyo utagira isoni uheza ugakora ivyo ushatse
- Inyigisho y'intumwa: Iciza, ni umuntu kurangwa n'imigenzo myiza; nayo igicumuro na co, ni kirya cose gitera amazinda mu gikiriza cawe, ukanka n'uko abantu bomenya ko wagikoze
- Inyigisho y'intumwa: Umuntu niyakunda mwenewabo araheza amubwire ko amukunda
- Inyigisho y'intumwa: Amasengesho atanu asengwa ku musi ku musi, isengesho ry'ijuma gushika ku rindi ryo mu ndwi ikurikira, ipfunga rya Ramadhani gushika ku rindi ryo mu mwaka ukurikira; ivyo vyose biba icuhagizo c'ibicumuro bikorwa hagati ya kimwe n'ikindi, iyo umuntu yirinze kugwa mu vyaha rutura
- Inyigisho y'intumwa: Imana Allah Iragirira impuhwe, umuntu w'umugwaneza iyo hagize ico agurisha, n'iyo hagize ico agura, n'iyo hagize ico yishuza