ഹദീസ്: ആരെങ്കിലും തന്റെ സഹോദരന്റെ അഭിമാനത്തെ പ്രതിരോധിച്ചാൽ അന്ത്യനാളിൽ അല്ലാഹു അവന്റെ മുഖത്തെ നരകത്തിൽ നിന്ന് തടുക്കുന്നതാണ്.
عن أبي الدرداء رضي الله عنه عن النبي صلى الله عليه وسلم قال: «مَنْ رَدَّ عَنْ عِرْضِ أَخِيهِ رَدَّ اللَّهُ عَنْ وَجْهِهِ النَّارَ يَوْمَ الْقِيَامَةِ».
[صحيح] - [رواه الترمذي وأحمد]
المزيــد ...
അബുദ്ദർദാഅ് -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ആരെങ്കിലും തന്റെ സഹോദരന്റെ അഭിമാനത്തെ പ്രതിരോധിച്ചാൽ അന്ത്യനാളിൽ അല്ലാഹു അവന്റെ മുഖത്തെ നരകത്തിൽ നിന്ന് തടുക്കുന്നതാണ്."
സ്വഹീഹ് - തുർമുദി ഉദ്ധരിച്ചത്
തന്റെ സഹോദരനായ മുസ്ലിമിന്റെ അഭിമാനം സംരക്ഷിക്കുന്നതിന്റെ ശ്രേഷ്ഠത ഈ ഹദീഥിൽ വ്യക്തമാക്കപ്പെട്ടിരിക്കുന്നു. നിന്റെ സഹോദരനെ കുറിച്ച് ഏതെങ്കിലും സദസ്സിൽ ആരെങ്കിലും പരദൂഷണം പറഞ്ഞാൽ അവനെ പ്രതിരോധിക്കുകയും, പരദൂഷണം പറയുന്നവനെ നിശബ്ദനാക്കുകയും, തിന്മ വിരോധിക്കുകയും ചെയ്യുക എന്നത് നിന്റെ മേൽ നിർബന്ധമാണ്. എന്നാൽ പരദൂഷണം നീ തടയാതിരിക്കുകയാണെങ്കിൽ അത് നിന്റെ സഹോദരനായ മുസ്ലിമിനെ കൈവിടലാണ്. ഈ ഹദീഥിൽ പരാമർശിക്കപ്പെട്ട, അഭിമാനത്തെ പ്രതിരോധിക്കുക എന്ന പ്രവൃത്തി കൊണ്ട് ഉദ്ദേശം ഒരാളുടെ അസാന്നിധ്യത്തിൽ അയാളെ പ്രതിരോധിക്കലാണ് എന്നതിന് അസ്മാഅ് ബിൻത് യസീദ് -رَضِيَ اللَّهُ عَنْهَا- യുടെ ഹദീഥും തെളിവാണ്. "തന്റെ സഹോദരന്റെ അസാന്നിധ്യത്തിൽ അയാളുടെ മാംസം ഭക്ഷിക്കുന്നത് തടഞ്ഞാൽ അവനെ നരകത്തിൽ നിന്ന് രക്ഷപ്പെടുത്തുക എന്നത് അല്ലാഹു തന്റെ മേൽ ബാധ്യതയാക്കിയിരിക്കുന്നു." (അഹ്മദ്, അൽബാനി സ്വഹീഹ് എന്ന് വിലയിരുത്തി).
ഹദീഥിൻ്റെ പാഠങ്ങളിൽ നിന്ന്
- * പരദൂഷണം പറയപ്പെടുന്ന നിന്റെ മുസ്ലിം സഹോദരൻ സദസ്സിൽ സന്നിഹിതനല്ലാത്തപ്പോൾ നീ അവനെ പ്രതിരോധിച്ചാലാണ് ഹദീഥിൽ പറയപ്പെട്ട പ്രതിഫലം ലഭിക്കുക.
- * പ്രവർത്തനത്തിന്റെ രൂപം പോലെയായിരിക്കും പ്രതിഫലം ലഭിക്കുക. ആരെങ്കിലും തന്റെ സഹോദരന്റെ അഭിമാനത്തെ പ്രതിരോധിച്ചാൽ അവന്റെ മുഖത്തെ അല്ലാഹു നരകത്തിൽ നിന്ന് പ്രതിരോധിക്കും.
- * നരകമുണ്ടെന്നും, അന്ത്യനാൾ സംഭവിക്കുമെന്നും ഈ ഹദീഥ് അറിയിക്കുന്നു.
വിഭാഗങ്ങൾ
കൂടുതൽ
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.
- ഹദീസ്: മരണപ്പെട്ടവരെ നിങ്ങൾ മോശം പറയരുത്. തങ്ങൾ ചെയ്തു വെച്ചതിലേക്ക് അവർ എത്തിച്ചേർന്നിരിക്കുന്നു.
- ഹദീസ്: തൻ്റെ സഹോദരനെ മൂന്നിലധികം ദിവസത്തേക്ക് അകറ്റിനിർത്തൽ ഒരു മുസ്ലിമിന് അനുവദനീയമല്ല. രണ്ടു പേരും കണ്ടുമുട്ടുമ്പോൾ ഇവൻ ഇങ്ങോട്ടും, അവൻ അങ്ങോട്ടുമെന്ന രൂപത്തിൽ തിരിഞ്ഞു കളയുക (എന്നത് പാടില്ല). അവരിൽ ഏറ്റവും നല്ലവൻ ആദ്യം സലാം പറഞ്ഞു കൊണ്ട് തുടങ്ങുന്നവനാണ്.
- ഹദീസ്: കുടുംബബന്ധം മുറിക്കുന്നവൻ സ്വർഗത്തിൽ പ്രവേശിക്കുകയില്ല.
- ഹദീസ്: കടുത്ത താർക്കികനായുള്ള വ്യക്തിയാണ് അല്ലാഹുവിന് ഏറ്റവും കോപമുള്ളയാൾ.
- ഹദീസ്: അന്യായത്തെ നിങ്ങൾ സൂക്ഷിക്കുക! തീർച്ചയായും അന്യായം അന്ത്യനാളിൽ ഇരുട്ടുകളായിരിക്കും. കടുത്ത പിശുക്കിനെയും നിങ്ങൾ സൂക്ഷിക്കുക! തീർച്ചയായും കടുത്ത പിശുക്കാണ് നിങ്ങൾക്ക് മുൻപുള്ളവരെ നശിപ്പിച്ചത്