ஹதீஸ்: ஒரு முஸ்லிம் இன்னொரு முஸ்லிமுக்குச் செய்ய வேண்டிய கடமைகள் : ஐந்தாகும் ஸலாத்திற்கு பதிலுரைத்தல், நோயுற்றறால் நலம் விசாரித்தல், மரணித்தால் இறுதிச் சடங்கில் பின்துடர்தல், விருந்துக்கு அழைத்தால் பதிலளித்தால், தும்மி, அல்ஹம்து லில்லாஹ் எனக் கூறினால் பதிலுரைத்தல்.

عن أبي هريرة رضي الله عنه : أن رسول الله صلى الله عليه وسلم قال:«حقُّ المُسلمِ على المُسلمِ خمسٌّ: ردُّ السلام، وعِيَادَةُ المريض، واتباع الجنائز، وإجابة الدَّعوة، وتَشميتُ العاطِس».
[صحيح] - [متفق عليه]

நபி (ஸல்) அவர்கள் கூறியதாக அபூ ஹுரைரா (ரலி) கூறுகின்றார்கள் : "ஒரு முஸ்லிம் இன்னொரு முஸ்லிமுக்குச் செய்ய வேண்டிய கடமைகள் ஐந்தாகும் : ஸலாத்திற்கு பதிலுரைத்தல், நோயுற்றறால் நலம் விசாரித்தல், மரணித்தால் இறுதிச் சடங்கில் பின்துடர்தல், விருந்துக்கு அழைத்தால் பதிலளித்தால், தும்மி, அல்ஹம்து லில்லாஹ் எனக் கூறினால் பதிலுரைத்தல்".
ஸஹீஹானது-சரியானது - இருவரும் (இமாம் புஹாரியும் முஸ்லிமும்) ஒன்று பட்டது

விளக்கம்

இந்நபிமொழியில் ஒரு முஸ்லிம் தனது சகோதர முஸ்லிமுக்குச் செய்ய வேண்டிய கடமைகள் தெளிவுபடுத்தப்பட்டுள்ளது. அவ்வாறான கடமைகள் அதிகமாக உள்ளன. எனினும் நபியவர்கள் முக்கியத்துவம் கருதி சிலவேளை குறிப்பிட்ட சிலவற்றை மாத்திரமே கூறுவார்கள். அவற்றில் உள்ளவைதான் மேற்கண்ட நபிமொழியில் அபூஹுரைரா ரலி அவர்கள் நபியவர்களைத் தொட்டும் அறிவித்துள்ள விடயங்களாகும். "ஒரு முஸ்லிம் இன்னொரு முஸ்லிமுக்குச் செய்ய வேண்டிய கடமைகள் ஐந்தாகும் : ஸலாத்திற்கு பதிலுரைத்தல்" : அதாவது ஒருவர் ஸலாம் கூறினால் அவருக்குப் பதிலளித்தல், மற்றுமொரு நபிமொழியில் "ஒரு முஸ்லிம் இன்னொரு முஸ்லிமுக்குச் செய்ய வேண்டிய கடமைகள் ஆறாகும் : அவரை சந்தித்தால் ஸலாம் கூறுவீர்" என இடம்பெற்றுள்ளது. இக்கடமைகளை முஸ்லிம்கள் விடயத்தில் முறையாக மேற்கொண்டால் பிற கடமைகளை மேற்கொள்வது மிக ஏற்றமாகும். அதன் மூலம் அதிக நலவுகளும், அல்லாஹ்விடம் நன்மையை எதிர்பார்த்து செய்யும்பட்சத்தில் அவனிடமிருந்து நிறைய கூலிகளையும் கொண்ட இக்கடமைகளை நிறைவேற்றும் பாக்கியம் கிடைக்கின்றது. இக்கடமைகளில் முதலாவது : சந்தித்தால் ஸலாம் கூறுவதாகும் மற்றுமொரு நபிமொழியில் ஸலாத்திற்கு பதில் கூறுதல் என இடம்பெற்றுள்ளது. இரண்டாவது : நோயாளியை நலம் விசாரித்தல். ஒருவர் நோயுற்று மக்கள் தொடர்பற்று வீட்டிலோ, ஆஸ்பத்திரியிலோ இருந்தால் அவரது சகோதர முஸ்லிம்கள் அவரை நலம் விசாரிப்பது அவசியமாகும். மூன்றாவது : மரணித்தவரின் இறுதிச் சடங்கில் கலந்து கொள்ளல், ஒருவர் மரணித்தால் அவரின் இறுதிச் சடங்கில் கலந்து கொண்டு, வீட்டிலிருந்து ஜனாஸாவைப் பின்தொடர்ந்து பள்ளி அல்லது தொழுமிடத்திற்குச் சென்று, பின் மண்ணறை வரை செல்வது ஒரு முஸ்லிம் தனது சகோதர முஸ்லிமுக்குச் செய்ய வேண்டிய கடமையாகும். நான்காவது : விருந்துக்கு பதிலளித்தல், ஒரு முஸ்லிம் தனது சகோதர முஸ்லிமை விருந்துக்கு அழைத்தால் அதற்கு பதிலளிப்பது அவசியமாகும். ஐந்தாவது : தும்மியவர் அல்ஹம்து லில்லாஹ் எனக் கூறினால் அதற்கு பதிலளித்தல். ஏனெனில் தும்மலின் மனித உடலின் பாகங்களில் உள்ள நெரிசலான காற்று வெளியேறுவதால், அல்லாஹ் அதிலிருந்து தப்பிக்க ஒரு வழியை ஏற்படுத்தி, அதன் மூலம் தும்மியவர் நிம்மதி அடைவதால் இது அல்லாஹ்வின் அருட்கொடையாக உள்ளது.எனவே அதற்காக "அல்ஹம்து லில்லாஹ்" என அல்லாஹ்வைப் புகழுமாறு பணித்துள்ளான், அதனைக் கேட்கும் சகோதரர் "யர்ஹமுகல்லாஹ்" (அல்லாஹ் உமக்கு அருள் புரியட்டும்) எனக் கூறுமாறும், அப்போது தும்மியவர் "யஹ்தீகுமுல்லாஹு வயுஸ்லிஹு பாலகும்" (அல்லாஹ் உமக்கு நேர்வழி காட்டி, உமது விடயங்களை சீராக்கட்டும்) என பதிலளிக்குமாறும் பணித்துள்ளான். அல்லாஹ்வைப் புகழாதவருக்கு பதிலளிக்க வேண்டியதில்லை, அதற்காக அவரே தன்னை நொந்து கொள்ள வேண்டுமே தவிர பிறர்மீது குற்றமில்லை.