عن أبي هريرة رضي الله عنه : أن رسول الله صلى الله عليه وسلم قال:«حقُّ المُسلمِ على المُسلمِ خمسٌّ: ردُّ السلام، وعِيَادَةُ المريض، واتباع الجنائز، وإجابة الدَّعوة، وتَشميتُ العاطِس».
[صحيح] - [متفق عليه]
المزيــد ...
Ebu Hurejra (Allahu qoftë i kënaqur me të!) tregon se i Dërguari i Allahut ﷺ ka thënë: "Obligimet e muslimanit ndaj muslimanit janë pesë: "Kthimi i selamit, vizita e të sëmurit, përcjellja e xhenazes, përgjigjja ndaj ftesës dhe lutja për atë që teshtin."
Ky hadith është sahih. - Muttefek alejhi.
Ky hadith përmban një shpjegim të disa prej obligimeve të muslimanit ndaj vëllait të tij musliman. Obligimet e një muslimani ndaj vëllait të tij janë të shumta, por Profeti ﷺ ndonjëherë përmend disa gjëra konkrete nga shumë gjëra, për t'u kujdesur për to dhe për t'i pranuar përzemërsisht. Për shembull, atë që Ebu Hurejra (Allahu qoftë i kënaqur me të!) ka përmendur se i Dërguari i Allahut ﷺ ka thënë: "Obligimet e muslimanit ndaj muslimanit janë pesë: "Kthimi i selamit...", pra, kur të të japë selam, ktheja atë. Në një hadith tjetër qëndron: "Obligimet e muslimanit ndaj muslimanit janë gjashtë: "Kur ta takosh, jepi selam!" Këto obligime, kush i jetëson në raport me obligimin që e ka ndaj muslimanit, ashtu siç duhet, atëherë jetësimi i gjërave të tjera është më parësor dhe me kryerjen e këtyre obligimeve dhe të drejtave, nëse shpreson shpërblim tek Allahu, atëherë do të arrijë mirësi të shumta dhe shpërblime madhështore. Obligimi i parë është: "Kur ta takosh, jepi selam!" Ndërkaq, në hadithin tjetër qëndron: "Kthimi i selamit!" Obligimi i dytë është vizita e të sëmurit. Pra, kur të sëmuret dhe të ndahet prej njerëzve e shkon në shtëpi të tij ose në spital a vende të tjera. Obligimi i tretë është përcjellja e xhenazes. Pra, prej obligimit që ka muslimani ndaj vëllait të tij (musliman) është t'ia përcjellë xhenazen prej shtëpisë së tij deri në vendfalje, qoftë në xhami, qoftë në një vend tjetër, siç janë varrezat. Obligimi i katërt është përgjigjja ndaj ftesës. Prej obligimit të muslimanit ndaj vëllait të tij (musliman) është që, kur ta ftojë, t'i përgjigjet. Obligimi i pestë është lutja për atë që teshtin. Kjo, se teshtima është begati prej Allahut, për shkak të daljes së kësaj ere të ngjeshur në pjesët e trupit të njeriut, kështu që Allahu i lehtësoi një shteg që të dalë prej tij, në mënyrë që ai që teshtin të pushojë. Kështu, Allahu ia ligjësoi atij që teshtin që ta lavdërojë Allahun (të thotë: elhamdulilah) për këtë begati, si dhe ia obligoi vëllait të tij t'i thotë: "Jerhamukallah (Allahut të mëshiroftë!)” dhe e urdhëroi që t’i përgjigjet duke i thënë: "Jehdikumullahu ve juslihu balekum (Allahu ju udhëzoftë dhe jua përmirësoftë gjendjen)!” Kush nuk e falënderon Allahun (nuk thotë: elhamdulilah kur teshtin), nuk meriton që të lutemi për të, ndërkohë, pos vetvetes, të mos qortojë askënd.