Hadiis: Wẽnd na põees ned ning neng sẽn wʋm bũmb tõnd nengẽ, n taas-a wala a sẽn wʋm-a wã, bala sõor waoog b sẽn taas ned bũmb tɩ yẽnda sẽn fasema yɩɩda wʋmdã

عَنْ عَبْدِ اللهِ بْنِ مَسْعُودٍ رضي الله عنه قَالَ: سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يَقُولُ:
«نَضَّرَ اللَّهُ امْرَأً سَمِعَ مِنَّا شَيْئًا فَبَلَّغَهُ كَمَا سَمِعَ، فَرُبَّ مُبَلِّغٍ أَوْعَى مِنْ سَامِعٍ».
[صحيح] - [رواه الترمذي وابن ماجه وأحمد] - [سنن الترمذي: 2657]

Yii a ʿAbdɑllaah ɭbn Mas'ʋʋd nengẽ, (Wẽnd yard be a yĩnga) a yeelame, m wʋma Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) t'a yetẽ:
«Wẽnd na põees ned ning neng sẽn wʋm bũmb tõnd nengẽ, n taas-a wala a sẽn wʋm-a wã, bala sõor waoog b sẽn taas ned bũmb tɩ yẽnda sẽn fasema yɩɩda wʋmdã».
[Naṣʋn Ṣahɩɩhʋn (Gom-sikdem sẽn manege)] - [A At-tirmiiziy la a ɭbn Maaǧa la a Ahmad n togs-a] - [Sunan At-tirmiiziy - 2657]

bilgrã

Nabiyaamã kosame (Wẽnd pʋʋsg la A tɩlgr be a yĩnga) neng põeeb la rasãmdlem la neerem dũni kaanẽ, la Wẽnd na taas-a arzãnã neemã la a neeremã la a põeebã pʋgẽ laahr raare, ned ning sẽn wʋma Nabiyaamã yẽsgã n ruls-a halɩ n tʋg n taas-a a to, t'a tõog n fasem hadiisã ned ning sẽn wa ne-a wã nengẽ. Rẽnd rẽenem soaba, yẽ rulsda sõma la a taasd sõma. La yiib soabã yẽ fasemda sõma la a leb n yiisd a võorã.

Sẽn be Hɑdiisã yõod-rãmbẽ

1. Kengdame tɩ b ruls Nabiyaamã Sũnnah la b taas-a nebã.
2. Wilgda hadiisã rãmb yɩɩdlem la hadiisã baoob zɩslemã.
3. Wilgda bãngdbã yɩɩdlem, bãngdb nins sẽn yaa reegr la feseng zãmã wã.
4. Wilgda Ṣahaabsã yɩɩdlem (Wẽnd yard be b yĩnga), rẽnd yaa bãmb la neb nins sẽn wʋm Nabiyaamã hadiisã (Wẽnd pʋʋsg la A tɩlgr be a yĩnga) la b taas-a tõndã.
5. A Al-Munaawi (Wẽnd na yols-a) yeelame: a vẽneg n wilgame tɩ hadiisã toagsda ka tɩlae tɩ yaa ned sẽn yaa bãngd ne sãri wã yεl ye, la sartã yaa a ruls sõma, la sõmba ne fɩghu bãngda t'a fasem la a tags n ges sẽn rat n yeelga.
6. A ɭbn Ʋyayna (Wẽnd na yols-a) yeelame: ned ka be n baood hadiisi, rẽndame tɩ fo ne põeem la rasãndlem a nengẽ wã, hadiis-kãngã sababo.
7. Hadiisã rulsdbã b yaa kõbg a yiibu: yaa sẽn na n ruls zugẽ wã, la sẽn na n ruls gafẽ wã, b yiibã gilli hadiisã doaagã tat-b lame.
8. Wilgdame tɩ nebã faseng yõsa taaba, rẽnd b tõeeme n taas ned hadiis t'a fasem-a n yɩɩd sẽn wʋmã n wa ne wã, sõor waoog ned sẽn ruls fɩghu n zãada la a ka fɩghu bãngd ye.