فەرموودە: خواى گەورە ڕەوشتی جوان ببەخشێت بە کەسێک کە شتێکی لێمان بیست وەکو خۆی بیگەیەنێت

عن ابن مسعود رضي الله عنه قال: سمعت رسول الله صلى الله عليه وسلم يقول: «نَضَّرَ اللهُ امْرَأً سَمِع مِنَّا شيئا، فَبَلَّغَهُ كما سَمِعَهُ، فَرُبَّ مُبَلَّغٍ أوْعَى مِن سَامِعٍ».
[صحيح] - [رواه الترمذي وابن ماجه وأحمد]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئیبن مەسعودەوە -ڕەزای خوای لێبێت- دەڵێت: گوێم لە پێغەمبەری خودا بوو -صلى اللە علیە وسلم- کە دەیفەرموو: «خواى گەورە ڕەوشتی جوان ببەخشێت بە کەسێک کە شتێکی لێمان بیست وەکو خۆی بیگەیەنێت (وەکو خۆی باسی بکات)، لەوەیە ئەو کەسەی دەیبستێت باشتر لێی تێبگات لەو کەسەی کە دەیگێڕێتەوە».
[صەحیحە] - [ئیبنو ماجه گێڕاویەتیەوە - تورموذی گێڕاویەتیەوە - ئەحمەد گێڕاویەتیەوە]

شیکردنەوە

پێغەمبەر -صلى اللە علیە وسلم- لەم فەرموودەیەدا نزا بۆ مرۆڤێک دەکات کە فەرموودەیەک لە پێغەمبەرەوە ببیستێت -صلى اللە علیە وسلم- وەکو خۆی بیگەیەنێت بە بێ زیاد وکەم؛ بەوەى خواى گەورە ڕەوشتی جوان بکات وڕووی ڕۆشنا بکات لە ڕۆژی قیامەتدا، پاشان ڕوونی کردەوە: (لەوەیە ئەو کەسەی دەیبستێت باشتر لێی تێبگات لەو کەسەی کە دەیگێڕێتەوە) چونکە لەوەیە مرۆڤ فەرموودەیەک بگڕێتەوە وبیگەیەنێت بەڵام ئەو کەسەی کە دەیبستێت باشتر لێی تێبگات وکردەوەى پێدەکات زیاتر لەو کەسەی کە فەرموودەکەى گەیاندووە، زۆرجار هەروەکو پێغەمبەر -صلى اللە علیە وسلم- فەرموویەتی دەبینیت هەندێک لە زانایان فەرموودەکە لەبەر دەکەن ودەیگێڕنەوە بەڵام لەوەیە وەکو پێویست لە ماناکەى تێنەگەن، کاتێک دەیگێڕنەوە بۆ زانایەکی تر ئەم زانایە باشتر لێی تێدەکات ولە فەرموودەکانی پێغەمبەر -صلى اللە علیە وسلم- زۆر ئەحکام وسوود دەردەهێنێت کە سوودی بۆ خەڵکی دەبێت.