1. Li jiitu
  2. Ràññetle yi
  3. Ngëneel yi ak teggiin yi

Hadiis yal na Yàlla leeralal waaju dégg ci man dara mu jottali ko kem na mu ko dégge woon, bariwaana ku ñu jottali mu gën a xam aji-dégg ji

عَنْ عَبْدِ اللهِ بْنِ مَسْعُودٍ رضي الله عنه قَالَ: سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يَقُولُ:
«نَضَّرَ اللَّهُ امْرَأً سَمِعَ مِنَّا شَيْئًا فَبَلَّغَهُ كَمَا سَمِعَ، فَرُبَّ مُبَلِّغٍ أَوْعَى مِنْ سَامِعٍ».

Jële nañu ci Abdullah Ibn Mashuud -yal na ko Yàlla dollee gërëm- mu wax ne: dégg naa Yonente bi -yal na ko Yàlla dolli xéewal ak mucc- muy wax ne:
"yal na Yàlla leeralal waaju dégg ci man dara mu jottali ko kem na mu ko dégge woon, bariwaana ku ñu jottali mu gën a xam aji-dégg ji".

Wér na At-tirmisiy soloo na ko, ak Ibnu Maaja, ak Ahmat Téere Sunna yi bu At-tirmisiy - 2657

Leeral gi

Yonente bi yal na ko Yàlla dolli xéewal ak mucc ñaanal ag leeraange ak ug nëtëx ak ug rafet ci àdduna, ak Yàlla eggale ko ci leeru àjjana ja ak i xéewalam ak ug leeram ca allaaxira; ñeel ki dégg hadiisam mokkal ko ba jottali ko keneen, ndax amaana ki ñu jottali hadiis bi gën a xam gën a dégg gën a man a jàngat ci ki tuxal hadiis bi, bu ko defee ku njëkk ki dàqa mokkal dàqa toxal , ku ñaareel ki dàqa dégg dàqa jàngat.

Bokk na ci njariñi hadiis bi

  1. Ñaaxe ci mokkal Sunnas Yonente bi, ak jottali ko nit ñi.
  2. Leeral ngëneelu waa hadiis, ak teddngay sàkku ko.
  3. Ngënneelu woroom xam-xam yi nga xam ne ñooy ñi am ag dégg ak jàngat.
  4. Ngënneelu Sahaaba yi yal na leen Yàlla dollee gërëm, ñoom ñooy ñi dégg hadiisi Yonente bi ba noppi jottali nu ko.
  5. Al-Manaawii nee na: leeral na ci ne nekkul sàrt ci kiy nettali hadiis bi mu xam li hadiis bi di wax, waaye sàrtam mooy mu mokkal ko, war na ci boroom xam-xamu fiq bi mu xam lu ko ta settantal ko.
  6. Ibn Uyayna nee na: amul kenn kuy sàkku hadiis lu dul ne kanamam dana amug leer ndax hadiis bii.
  7. Mokkal ñaari xeet la ci boroom xam-xami hadiis yi: mokkal ci xol ak dënn, ak wattu ci téere ak bind, ñaar yépp nag hadiis bi da koy làmboo.
  8. Dégg-déggi nit ñi dafa rawante, bariwaa na ku ñu jottali mu gën a xam aji-dégg ji, bariwaa na ku gàddu xam-xam te du boroom xam-xam.

Gaaral firi yi

45 Làkk wi
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
MG Malagasy المالاجاشية
KN ಕನ್ನಡ الكانادا
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية