ဟဒီးဆ်: သင်တို့အနက် မည်သူမဆို စားသည့်အခါ ညာလက်ဖြင့်စားပါ၊ သောက်သည့်အခါ ညာလက်ဖြင့် သောက်ပါ။ အဘယ်ကြောင့်ဆိုသော် ဧကန်အမှန်ပင် ရှိုင်သွာန်မိစ္ဆာသည် ဘယ်လက်ဖြင့်စား၍ ဘယ်လက်ဖြင့်သောက်သည်။

عن ابن عمر رضي الله عنهما أن رسول الله صلى الله عليه وسلم قال: «إذا أَكَلَ أحدُكم فَلْيَأْكُلْ بِيَمِينِه، وإذا شَرِب فَلْيَشْرَبْ بِيَمِينِه فإنَّ الشيطان يأكلُ بِشِمَالِه، ويَشْرَب بِشِمَالِه».
[صحيح] - [رواه مسلم]

အိဗ်နုအုမရ်(ရဿွိယလ္လာဟုအန်ဟုမာ)က ဆင့်ပြန်ခဲ့သည်။အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ သင်တို့အနက် မည်သူမဆို စားသည့်အခါ ညာလက်ဖြင့်စားပါ၊ သောက်သည့်အခါ ညာလက်ဖြင့် သောက်ပါ။ အဘယ်ကြောင့်ဆိုသော် ဧကန်အမှန်ပင် ရှိုင်သွာန်မိစ္ဆာသည် ဘယ်လက်ဖြင့်စား၍ ဘယ်လက်ဖြင့်သောက်သည်။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။

ရှင်းလင်းချက်

ဤဩဝါဒတော်တွင် ညာလက်ဖြင့် စားသောက်ရန် အမိန့်ပေးထားပြီး ဘယ်လက်ဖြင့် စားသောက်ခြင်းကို တားမြစ်ထားသည်။ ထိုသို့ အမိန့်ပေးရခြင်းမှာ ရှိုင်သွာန်မိစ္ဆာသည် ဘယ်လက်ဖြင့် စားသောက်သောကြောင့်ဖြစ်သည်။ ဟူ၍ ဩဝါဒတော်၌ ရှင်းပြထားသည်။ ဟဒီးဆ်တော်တွင် ပါရှိသည့် အမိန့်သည် ‘ဝါဂျိဗ်’တာဝန်ဖြစ်ပြီး ဘယ်လက်ဖြင့် စားသောက်ခြင်းသည် ဟရာမ်ဖြစ်ကြောင်း ထိုအချက်က ညွှန်ပြနေသည်။ အဘယ်ကြောင့်ဆိုသော် ထိုသို့တားမြစ်ရခြင်း၏ အကြောင်းအရင်းမှာ ထိုလုပ်ရပ်သည် ရှိုင်သွာန်မိစ္ဆာ၏လုပ်ရပ်နှင့် ၎င်း၏အကျင့် စရိုက်ဖြစ်သောကြောင့် ဖြစ်သည်။ မွတ်စ်လင်မ်တို့သည် အမိန့်ဖီဆန်သူများ၏ လမ်းစဥ်ကို ရှောင်ကြဥ်ရန် အမိန့်ပေးခံထားရသည်။အထူးထား၍ ရှိုင်သွာန်မိစ္ဆာကောင်မှ ပို၍ ရှောင်ကြဉ်ရမည်ဖြစ်သည်။ မည်သူမဆို အုပ်စုတစ်စုနှင့် တူဆင်အောင်ပြုပါက ၎င်းသည် ထိုအုပ်စုအနက်မှပင်ဖြစ်သည်။