ဟဒီးဆ်: အို-ကလေးငယ်၊ အလ္လာဟ်အရှင်မြတ်၏ နာမတော်ကိုတသ၍ ညာလက်ဖြင့်စားပါ၊ ၎င်းပြင် သင့်အနီးအနားက စားပါ။

عن عمر بن أبي سلمة قال: كنتُ غُلاما في حَجْرِ رسول الله صلى الله عليه وسلم ، وكانتْ يَدِي تَطِيشُ في الصَّحْفَة، فقالَ لِي رسول الله صلى الله عليه وسلم : «يا غُلامُ، سمِّ اَلله، وكُلْ بِيَمِينِك، وكُلْ ممَّا يَلِيكَ» فما زَالَتْ تِلك طِعْمَتِي بَعْدُ.
[صحيح] - [متفق عليه]

အုမရ်ဗင်န် အဗူစလမဟ်(ရဿွိယလ္လာဟုအန်ဟုမာ)က ဆင့်ပြန်ခဲ့သည်။ ကျွန်တော်သည် အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်) ၏အုပ်ထိန်းမှုအောက်၌ ရှိခဲ့သည့် ကလေးငယ်တစ်ဦးဖြစ်သည်။(စားသည့်အခါ)ကျွန်တော့်၏ လက်သည် ပန်းကန်ပြားထဲ ဟိုနားဒီနား နှိုက်နေခဲ့သည်။ ထိုအခါ အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်)က ကျွန်တော့်အား အို-ကလေးငယ်၊ အလ္လာဟ်အရှင်မြတ်၏ နာမတော်ကိုတသ၍ ညာလက်ဖြင့်စားပါ၊ ၎င်းပြင် သင့်အနီးအနားကစားပါဟု မိန့်ကြားခဲ့သည်။ ထို့ကြောင့် နောက်ပိုင်းတွင် ကျွန်တော်၏စားသောက်ပုံသည် ထိုအတိုင်းသာအမြဲဖြစ်ခဲ့သည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။

ရှင်းလင်းချက်

အုမရ်ဗင်န် အဗူစလမဟ်(ရဿွိယလ္လာဟုအန်ဟုမာ)သည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ ကြင်ယာတော် အုမ္မုစလမဟ်(ရဿွိယလ္လာဟုအန်ဟာ)ဘက်မှပါလာသော သားတော်ဖြစ်သည်။ သူသည် ကိုယ်တော်၏ ကြည့်ရှုစောင့်ရှောက်မှုအောက်တွင် နေထိုင်ခဲ့သည်။ ဤဩဝါဒတော်တွင် ၎င်းက မိမိ၏အခြေအနေကိုတင်ပြခဲ့သည်မှာ- သူသည် ထမင်းစားနေစဉ် အစားအစာယူရန်အတွက် ဘေးနားရှိ အခြားပန်းကန်များကိုလည်း လက်ဖြင့် လှမ်းနှိုက်လေ့ရှိသည်။ ထိုကြောင့် သူ့အားတမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က အစားအသောက် စားခြင်းဆိုင်ရာ စည်းကမ်းချက်များအနက် သုံးချက်ကို ဤဟဒီးဆ်တော်တွင်သင်ကြားပေးခဲ့သည်။ (၁)- စားသည့်အခါ အစတွင် ‘ဗိစ်(စ)မိလ္လာဟ်’ ဆိုခြင်း။ (၂)- ညာလက်ဖြင့်စားခြင်း။ (၃) မိမိ၏ အနီးအနားမှစားခြင်း။ အခြားသူစားနေသည့်နေရာမှ စားခြင်းသည် ယဥ်ကျေးမှု မရှိခြင်းပင်ဖြစ်သည်။ သာသနာ့ပညာရှင်များက အဆိုပြုကြသည်မှာ-အစားအစာသည် တစ်မျိုးတည်းမဟုတ်ဘဲ ဥပမာ ရွှေဖရုံသီး၊ ခရမ်းသီး၊ အသား၊ စသည်ဖြင့်အမျိုးအစားများစွာရှိနေလျှင် မိမိနှင့် နီးသောအစားအစာကို စားသုံးရင်း အခြားအမျိုးအစားများကို ယူရန်လက်လှမ်းခြင်းသည် အပြစ်မဟုတ်ပေ။ ထို့အတူတစ်ယောက်တည်းစားသူသည် အခြားတစ်ဖက်မှ ယူစားလျှင်လည်း အပြစ်မရှိပေ။ ထိုသို့စားခြင်း၌ မည်သူ့ကိုမျှ ထိခိုက်စေခြင်း မရှိပေ။