Hadithi: O djalosh! Thuaj "bismilah", ha me të djathtën dhe ha pranë vetes!

عن عمر بن أبي سلمة قال: كنتُ غُلاما في حَجْرِ رسول الله صلى الله عليه وسلم ، وكانتْ يَدِي تَطِيشُ في الصَّحْفَة، فقالَ لِي رسول الله صلى الله عليه وسلم : «يا غُلامُ، سمِّ اَلله، وكُلْ بِيَمِينِك، وكُلْ ممَّا يَلِيكَ» فما زَالَتْ تِلك طِعْمَتِي بَعْدُ.
[صحيح] - [متفق عليه]

Omer ibn Ebu Seleme (Allahu qoftë i kënaqur me të!) tregon: "Isha djalosh i vogël nën përkujdesjen e të Dërguarit të Allahut ﷺ. Teksa hanim, dora ime shkonte andej-këndej nëpër pjatë. I Dërguari i Allahut ﷺ më tha: "c2">“O djalosh! Thuaj "bismilah", ha me të djathtën dhe ha pranë vetes!” Që nga ai çast, vazhdimisht veproj ashtu gjatë ngrënies.”
Ky hadith është sahih. - Muttefek alejhi.

Shpjegimi

Omer ibn Ebu Seleme (Allahu qoftë i kënaqur me të!) ishte i biri i gruas së Profetit ﷺ dhe jetonte nën edukimin dhe përkujdesjen e tij. Në këtë hadith, ai e përmendi se i lëvizte duart në të gjithë pjatën për të marrë ushqim andej-këndej. Prandaj, Profeti ﷺ ia mësoi atij këto tri rregulla të edukatës së të ngrënit: 1. Përmendja e emrit të Allahut "Bismilah", në fillim të ngrënies. 2. Ngrënia me dorën e djathtë. 3. Të hajë nga ajo që është më afër tij, sepse është e paedukatë të hajë para atij që e ka pranë. Megjithatë, dijetarët kanë thënë se, po qe se ka disa lloje ushqimesh, fjala vjen, kungull, patëllxhan dhe mish, atëherë nuk ka asgjë të keqe nëse e zgjat dorën për të marrë këtë e atë ushqim e të hash para tij nga ky lloj i ushqimit. Po kështu, nëse dikush ha vetëm, lejohet të zgjedhë ushqimin nga ana tjetër, sepse në këtë rast nuk do të shqetësojë askënd.