হাদীছ: হে বালক! আল্লাহৰ নাম লোৱা, সোঁহাতেৰে খোৱা আৰু তোমাৰ সন্মুখৰ পৰা খোৱা।
عن عمر بن أبي سلمة قال: كنتُ غُلاما في حَجْرِ رسول الله صلى الله عليه وسلم ، وكانتْ يَدِي تَطِيشُ في الصَّحْفَة، فقالَ لِي رسول الله صلى الله عليه وسلم : «يا غُلامُ، سمِّ اَلله، وكُلْ بِيَمِينِك، وكُلْ ممَّا يَلِيكَ» فما زَالَتْ تِلك طِعْمَتِي بَعْدُ.
[صحيح] - [متفق عليه]
المزيــد ...
ওমৰ ইবনু আবি ছালমাৰ পৰা বৰ্ণিত, তেওঁ কৈছে, মই ৰাছুলুল্লাহ চাল্লাল্লাহু আলাইহি অছাল্লামৰ তত্ত্বাৱধানত থকা এজন বালক আছিলোঁ। খোৱাৰ সময়ত মই প্লেটৰ ইফালৰ পৰা সিফালৰ পৰা খাইছিলোঁ। তেতিয়া ৰাছুলুল্লাহ চাল্লাল্লাহু আলাইহি অছাল্লামে মোক ক’লে, "c2">“হে বালক! আল্লাহৰ নাম লোৱা, সোঁহাতেৰে খোৱা আৰু তোমাৰ সন্মুখৰ পৰা খোৱা”। তাৰ পিছত মই তেখেতে দেখুৱাই দিয়া পদ্ধতিৰেই আহাৰ কৰিছিলোঁ।
ছহীহ - মুত্তাফাক্ব আলাইহ
ওমৰ ইবনু আবি ছালামাহ ৰাদ্বিয়াল্লাহ আনহুমা আছিল ৰাছুল চাল্লাল্লাহু আলাইহি অছাল্লামৰ স্ত্রী উম্মে ছালমাহ ৰাদ্বিয়াল্লাহু আনহাৰ পুত্ৰ। তেওঁ ৰাছুলুল্লাহ চাল্লাল্লাহু আলাইহি অছাল্লামৰ তত্ত্বাৱধানত আছিল। এই হাদীছটোত তেওঁ নিজৰ অৱস্থাৰ বর্ণনা দিছে। তেওঁ খোৱাৰ সময়ত হাত প্লেটৰ চাৰিওফালে ঘূৰাইছিল। এই হাদীছটোত নবী চাল্লাল্লাহু আলাইহি অছাল্লামে তেওঁক খোৱাৰ আদাবসমূহৰ পৰা তিনিটা আদব শিকাইছিল। প্রথম: খোৱাৰ পূৰ্বে বিছমিল্লাহ কোৱা। দুই: সোঁহাতেৰে খোৱা। তিনি: নিজৰ ওচৰৰ পৰা খোৱা। কাৰণ আনৰ সন্মুখৰ পৰা খোৱাটো শিষ্টাচাৰৰ পৰিপন্থী। আলিমসকলে কৈছে, যদি খাদ্য বিভিন্ন প্ৰকাৰৰ হয় যেনে লাউ, বেঙেনা আৰু মাংস ইত্যাদি, তেতিয়া হাত বিভিন্ন খাদ্যৰ প্ৰতি লৈ যোৱাত কোনো অসুবিধা নাই। অনুৰূপভাৱে যদি কোনোবাই অকলশৰীয়াকৈ খাদ্য গ্রহণ কৰে, তেতিয়াও তেওঁ প্লেটৰ চাৰিওফালৰ পৰা খাব পাৰিব কোনো অসুবিধা নাই। কাৰণ তেতিয়া আনক কষ্ট দিয়া নহ’ব।
হাদীছৰ পৰা সংগৃহীত উপকাৰিতাসমূহ
- পানাহাৰৰ আদাবসমূহৰ অন্যতম এটা আদব হৈছে, পানাহাৰৰ পূৰ্বে বিছমিল্লাহ কোৱা।
- সোঁহাতেৰে খোৱা ওৱাজিব আৰু বাওঁ হাতেৰে খোৱা হাৰাম, বিশেষ অসুবিধা থাকিলে বিষয়টো সুকীয়া। কাৰণ নবী চাল্লাল্লাহু আলাইহি অছাল্লামে কৈছে, “তোমালোকৰ কোনেও যেন বাওঁ হাতেৰে নাখায় আৰু বাওঁ হাতেৰে সেৱন নকৰে। কাৰণ চয়তানে বাওঁ হাতেৰে খায় আৰু সেৱন কৰে।“ সেয়ে চয়তানৰ অনুকৰণ কৰা হাৰাম। যি ব্যক্তিয়ে বেলেগ কোনো কাওমৰ সাদৃশ্য অৱলম্বন কৰে সি সিহঁতৰেই অর্ন্তভুক্ত হৈ যায়।
- সৰুৱে হওক বা ডাঙৰ, নজনা ব্যক্তিক শিকাই দিয়া মুস্তাহাব। বিশেষকৈ যেতিয়া কোনো ব্যক্তি কাৰো তত্ত্বাৱধানত থাকে।
- খোৱাৰ অন্যতম এটা আদব হৈছে নিজৰ সন্মুখৰ পৰা খোৱা, বেলেগৰ সন্মুখত হাত বঢ়াই দিয়া উচিত নহয়।
- ছাহাবাসকলে নবী চাল্লাল্লাহু আলাইহি অছাল্লামে শিকাই দিয়া নিয়মক মজবুতভাৱে ধাৰণ কৰিছিল। কাৰণ এই হাদীছটোত বৰ্ণনাকাৰীয়ে কৈছে, “তাৰ পিছত মই সেই পদ্ধতি অনুযায়ীয়ে পানাহাৰ কৰিছিলোঁ”।
শ্ৰেণীবিন্যাসসমূহ
অধিক
- হাদীছ: পাঁচ ওৱাক্ত চালাত, এটা জুমু‘আৰ পৰা আনটো জুমু‘আ তথা এটা ৰামাজানৰ পৰা আনটো ৰামাজান, এইবোৰ হৈছে সেইবোৰ গুনাহৰ কাফফাৰা যিবোৰ ইয়াৰ মধ্যৱৰ্তী সময়ত হৈ থাকে, যদিহে কবীৰা গুনাহৰ পৰা বিৰত থকা হয়।
- হাদীছ: নিশ্চয় কিছুমান লোকে আল্লাহৰ সম্পদ অন্যায়ভাৱে ব্যয় কৰে। এতেকে সিহঁতৰ বাবে কিয়ামতৰ দিনা আছে জাহান্নামৰ জুই।
- হাদীছ: তোমালোকে মৃত লোকসকলক গালি নাপাৰিবা; কাৰণ সিহঁতে নিজৰ কৰ্মফলৰ ওচৰত উপনীত হৈছে।
- হাদীছ: কোনো মুছলিমৰ বাবেই বৈধ নহয় তাৰ ভাইৰ লগত তিনি দিনতকৈ অধিক সময় কথা-বতৰা বন্ধ ৰখা, অৰ্থাৎ যেতিয়া সিহঁতে পৰস্পৰে সাক্ষাৎ কৰে, তেতিয়া এজনে ইফালে মুখ ঘূৰাই লয় আৰু আনজনে সিফালে মুখ ঘূৰাই লয়। সিহঁত দুজনৰ মাজত উত্তম হৈছে সেই ব্যক্তি, যিয়ে প্রথমে ছালাম কৰিব।
- হাদীছ: আত্মীয়তাৰ বন্ধন বিচ্ছিন্নকাৰী জান্নাতত প্ৰৱেশ কৰিব নোৱাৰিব।
- হাদীছ: আল্লাহৰ ওচৰত আটাইতকৈ ঘৃণনীয় ব্যক্তি হৈছে সেইজন, যিজন কলহপ্ৰিয়।
- হাদীছ: যি ব্যক্তিয়ে তাৰ কোনো ভাতৃৰ মান-সন্মানত আহিবলগীয়া আঘাত প্রতিৰোধ কৰিব, কিয়ামতৰ দিনা আল্লাহে সেই ব্যক্তিৰ মুখমণ্ডল (জাহান্নামৰ) জুইৰ পৰা ৰক্ষা কৰিব।