হাদীছ: তোমালোকৰ মাজৰ যেতিয়া কোনোবাই আহাৰ কৰে তেতিয়া তেওঁ সোঁহাতেৰে খোৱা উচিত আৰু কিবা সেৱন কৰাৰ সময়ত সোঁহাতেৰে সেৱন কৰা উচিত। কাৰণ চয়তানে নিজৰ বাওঁ হাতেৰে খায় আৰু সেৱন কৰে।

عن ابن عمر رضي الله عنهما أن رسول الله صلى الله عليه وسلم قال: «إذا أَكَلَ أحدُكم فَلْيَأْكُلْ بِيَمِينِه، وإذا شَرِب فَلْيَشْرَبْ بِيَمِينِه فإنَّ الشيطان يأكلُ بِشِمَالِه، ويَشْرَب بِشِمَالِه».
[صحيح] - [رواه مسلم]

ইবনে ওমৰ ৰাদ্বিয়াল্লাহু আনহুৰ পৰা বৰ্ণিত, ৰাছুলুল্লাহ চাল্লাল্লাহু আলাইহি অছাল্লামে কৈছে, "c2">“তোমালোকৰ মাজৰ যেতিয়া কোনোবাই আহাৰ কৰে তেতিয়া তেওঁ সোঁহাতেৰে খোৱা উচিত আৰু কিবা সেৱন কৰাৰ সময়ত সোঁহাতেৰে সেৱন কৰা উচিত। কাৰণ চয়তানে নিজৰ বাওঁ হাতেৰে খায় আৰু সেৱন কৰে।”
ছহীহ - ইয়াক মুছলিমে বৰ্ণনা কৰিছে

ব্যাখ্যা

এই হাদীছটো়ত সোঁহাতেৰে খোৱা আৰু সোঁহাতেৰে সেৱন কৰাৰ নিৰ্দেশ দিয়া হৈছে আৰু বাওঁ হাতেৰে খাবলৈ আৰু সেৱন কৰিবলৈ নিষেধ কৰা হৈছে। লগতে ইয়াত আদেশৰ কাৰণো বর্ণনা কৰা হৈছে। সেয়া হৈছে চয়তানে বাওঁ হাতেৰে খায় আৰু সেৱন কৰে। এই কথাই প্রমাণ কৰে যে, ইয়াত আদেশটো ওৱাজিবৰ উদ্দেশ্যত বৰ্ণিত হৈছে। আনহাতে বাওঁ হাতেৰে খোৱা আৰু সেৱন কৰা হাৰাম। তেখেতে ইয়াৰ কাৰণ বর্ণনা কৰি কৈছে যে, এইটো হৈছে চয়তানৰ কাম আৰু তাৰ চৰিত্র। এজন মুছলিমক চয়তানতো দূৰৰ কথা ফাছিকৰ কালচাৰৰ পৰাও আঁতৰি থাকিবলৈ নিৰ্দেশ দিয়া হৈছে। যি ব্যক্তিয়ে বেলেগ কোনো সম্প্রদায়ৰ সৈতে সাদৃশ্য অৱলম্বন কৰে সি সিহঁতৰেই অন্তৰ্ভুক্ত হৈ যায়।