Ҳадис: Бирортангиз таҳорат қилса, бурнига сув олсин, кейин қоқиб ташласин! Ким истижмор қилса, тоқ қилсин

عَنْ أَبِي هُرَيْرَةَ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا تَوَضَّأَ أَحَدُكُمْ فَلْيَجْعَلْ فِي أَنْفِهِ ثُمَّ لِيَنْثُرْ، وَمَنِ اسْتَجْمَرَ فَلْيُوتِرْ، وَإِذَا اسْتَيْقَظَ أَحَدُكُمْ مِنْ نَوْمِهِ فَلْيَغْسِلْ يَدَهُ قَبْلَ أَنْ يُدْخِلَهَا فِي وَضُوئِهِ، فَإِنَّ أَحَدَكُمْ لاَ يَدْرِي أَيْنَ بَاتَتْ يَدُهُ». ولفظ مسلم: «إِذَا اسْتَيْقَظَ أَحَدُكُمْ مِنْ نَوْمِهِ فَلَا يَغْمِسْ يَدَهُ فِي الْإِنَاءِ حَتَّى يَغْسِلَهَا ثَلَاثًا، فَإِنَّهُ لَا يَدْرِي أَيْنَ بَاتَتْ يَدُهُ».
[صحيح] - [متفق عليه] - [صحيح البخاري: 162]

Абу Ҳурайра разияллоҳу анҳу ривоят қилади: «Расулуллоҳ соллаллоҳу алайҳи ва саллам:
«Бирортангиз таҳорат қилса, бурнига сув олсин, кейин қоқиб ташласин! Ким истижмор қилса, тоқ қилсин. Бирортангиз уйқудан уйғонса, қўлини таҳорат сувига солишдан олдин уни ювиб олсин. Чунки ҳеч бирингиз қўли қаерда тунаганини билмайди», - дедилар». Имом Муслим ривоятида: «Бирортангиз уйқудан уйғонса, қўлини уч марта ювмасдан олдин таҳорат сувига солмасин, чунк у қўли қаерда тунаганини билмайди», дейилган.
[Тўғри матн] - [Муттафақун алайҳ] - [Саҳиҳул Бухорий - 162]

Изоҳ

Набий соллаллоҳу алайҳи ва саллам таҳорат аҳкомларини баёнладилар. Улардан: Биринчи: ким таҳорат олса, бурнига сув тортиши сўнгра қоқиши лозим. Иккинчи: ким ҳаммомга киргандаги нажосатни сувсиз, тош ва шу кабилар билан кетказмоқчи бўлса, тоқ қилиб, камида уч маротаба кўпида эса нажосат йўқ бўлиб, тозаланмагунча тозалаши керак бўлади. Учинчи: ким тунги уйқудан уйғонган бўлса, қўлини уч маротаба идишга тиқишдан аввал унинг ташқарисида ювмагунча идишга тиқмаслиги керак. Чунки у қўли қаерда тунаганини билмайди. Балки шайтон у билан ўйнаб, инсонга зарарли ва сувни бузувчи нарсалар ёпишгандир.

Ҳадиснинг фойдалари

1. Тахорат олаётганда истиншоқ (бурунга сув тортмоқ) ва истинсар (уни қоқиб чиқариш) қилмоғи лозим.
2. Истижморни (нажосат ўрнини сувсиз тозалаш) тоқ қилиши мустаҳаб.
3. Туни ухлаб тургач қўлни уч маротаба ювиш машруъ қилинган.