Hadiis: Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo

عَنْ أَبِي هُرَيْرَةَ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا تَوَضَّأَ أَحَدُكُمْ فَلْيَجْعَلْ فِي أَنْفِهِ ثُمَّ لِيَنْثُرْ، وَمَنِ اسْتَجْمَرَ فَلْيُوتِرْ، وَإِذَا اسْتَيْقَظَ أَحَدُكُمْ مِنْ نَوْمِهِ فَلْيَغْسِلْ يَدَهُ قَبْلَ أَنْ يُدْخِلَهَا فِي وَضُوئِهِ، فَإِنَّ أَحَدَكُمْ لاَ يَدْرِي أَيْنَ بَاتَتْ يَدُهُ». ولفظ مسلم: «إِذَا اسْتَيْقَظَ أَحَدُكُمْ مِنْ نَوْمِهِ فَلَا يَغْمِسْ يَدَهُ فِي الْإِنَاءِ حَتَّى يَغْسِلَهَا ثَلَاثًا، فَإِنَّهُ لَا يَدْرِي أَيْنَ بَاتَتْ يَدُهُ».
[صحيح] - [متفق عليه] - [صحيح البخاري: 162]

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) yeelame:
«Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo, la yãmb yembr fãa sã n nek a gõeemẽ, bɩ a reng n pek a nugã taoor t'a na n ka ning-a koomã laok pʋgẽ ye, ad yãmb yembr fãa ka mi a nugã sẽn gãandẽ ye». La a Muslim gom-bilã: «Yãmb yembr fãa sã n wa yik a gõoemẽ bɩ a ra bõr a nugã koomã pʋgẽ ye, halɩ t'a pek-a noor a tãabo, bala yẽ ka mi a nugã sẽn gãandẽ ye».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 162]

bilgrã

Nabiyaamã (Wẽnd pʋʋsg la A tɩlgr be a yĩngɑ) vẽnegda yɩlgrã bʋʋd sãnda n wilgdẽ, lɑ sẽn be a pʋgẽ: Rẽenem: yaa tɩ ned ning sẽn yõka koom yaa tɩlae ne-a t'a kẽes koomã a yõorẽ wã ne fõogre, rẽ poorẽ t'a lebg n yiis-a ne tusbu. Yiib soaaba: yaa tɩ ned ning sẽn rat n yɩlg rẽgd ning sẽn yita yẽ nengẽ wã tɩ ka tũ ne koom, wala kugã la sẽn wõnd rẽ, rẽnd yẽnda yɩlgrã sõmb n yɩɩ lugum, sẽn paood n yɩɩda yaa noor a tãabo, la sẽn tʋg n zẽk n yɩɩda yaa bũmb ninng sẽn na n yẽes rẽgdã la a yɩlg zĩigã. Tãab soaba: yaa tɩ ned ning sẽn wa n yik a gõeemẽ yʋngo, bɩ a ra sui a nugã koomẽ wã n na n yõk ye, rẽndame t'a reng n pek-a noor a tãabo yɩnga, bala yẽ ka mi a nugã sẽn gãand zĩig ning ye, rẽnd yẽ ka tar bas-m-yam tɩ rẽgd ka be beenẽ ye, tõe meng t'a sʋɩtãan reema ne yẽ nugã, n rɩk bõn-yood sẽn namsd ninsaala n wa yẽ nugẽ wã, maa sẽn sãamd koomã.