Ҳадис: Бирингларнинг таҳорати бузилгач янги таҳорат олмагунча Аллоҳ унинг (таҳоратсиз ўқиган) намозини қабул қилмайди», – дедилар

عَنْ أَبِي هُرَيْرَةَ رضي الله عنه عَنِ النَّبِيِّ صلى الله عليه وسلم قَالَ:
«لَا يَقْبَلُ اللهُ صَلَاةَ أَحَدِكُمْ إِذَا أَحْدَثَ حَتَّى يَتَوَضَّأَ».
[صحيح] - [متفق عليه] - [صحيح البخاري: 6954]

Абу Ҳурайра разияллоҳу анҳудан ривоят қилинади: «Расулуллоҳ соллаллоҳу алайҳи ва саллам:
«Бирингларнинг таҳорати бузилгач янги таҳорат олмагунча Аллоҳ унинг (таҳоратсиз ўқиган) намозини қабул қилмайди», – дедилар.
[Саҳиҳ] - [Муттафақун алайҳ] - [Саҳиҳи Бухорий - 6954]

Изоҳ

Набий соллаллоҳу алайҳи ва саллам намознинг шартларидан бири таҳорат эканини баёнладилар. Ким намоз ўқишни хоҳласа-ю, таҳоратни бузувчи ғоит, бавл, уйқу ва шу каби бирор нарса рўй берган бўлса, таҳорат олиши шарт.

Ҳадиснинг фойдалари

1. Бетаҳоратнинг намози агар катта ҳадас (жунуб ҳолати) бўлса, ғусл олмагунча ва агар кичик ҳадас бўлса, таҳорат олмагунча қабул бўлмайди.
2. (Ҳадас – бетаҳоратлик демакдир)
3. Таҳорат – сувни оғизга олиб айлантириб чиқариш ва нафас билан бурнига сув тортиб чайқаш. Сўнгра уч маротаба юзни, қўлларни тирсаккача ювиб, бир марта бошга масҳ тортиш ва яна уч маротаба оёқларни қизил ошиқ билан қўшиб ювишдир.