हदीस: जब तिमीहरू मध्ये कसैले आफ्नो वुजू तोड्छ भने वुजू नगरुन्जेल अल्लाहले उसको नमाज स्वीकार गर्नुहुन्न ।

عَنْ أَبِي هُرَيْرَةَ رضي الله عنه عَنِ النَّبِيِّ صلى الله عليه وسلم قَالَ:
«لَا يَقْبَلُ اللهُ صَلَاةَ أَحَدِكُمْ إِذَا أَحْدَثَ حَتَّى يَتَوَضَّأَ».
[صحيح] - [متفق عليه] - [صحيح البخاري: 6954]

यस अनुवादलाई थप समीक्षा र जाँचको आवश्यकता छ.

अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"जब तिमीहरू मध्ये कसैले आफ्नो वुजू तोड्छ भने वुजू नगरुन्जेल अल्लाहले उसको नमाज स्वीकार गर्नुहुन्न ।"
[सही] - [मुत्तफकुन अलैहि] - [सही बुखारी - 6954]

व्याख्या

रसूल (सल्लल्लाहु अलैहि वसल्लम) ले भन्नुभएको छ, नमाज सही हुने सर्तहरू मध्ये एक तहारत (शुद्धता) हो । तसर्थ, जसको पिसाब, दिसा, निद्रा आदि कारणले वुजू टुट्छ र नमाज पढ्न चाहन्छ भने उसले अनिवार्य रुपमा वुजू गर्नु पर्छ ।

हदीसका केही फाइदाहरू

1. अपवित्र भएको अवस्थामा नमाज स्वीकृत हुँदैन, ठूलो अपवित्रतामा नुहाउनु पर्छ र सानो अपवित्रतामा वुजू गर्नुपर्छ ।
2. वुजू मुखमा पानी हालेर मुख भित्र घुमाउने र बाहिर फाल्ने, त्यसपछि नाक भित्र पानी तानेर बाहिर फाल्ने र नाक सफा गर्ने, त्यसपछि आफ्नो मुख तीन पटक धुने, त्यसपछि दुवै हात कुहिनो सहित तीन पटक धुने, त्यसपछि पूरै टाउको एक पटक मसह गर्ने (घस्ने) र त्यसपछि दुवै खुट्टा घुँडासहित तीन पटक धुने कार्यलाई भनिन्छ ।