Ab Adiis: Jenn waay ñëw na ci Yonente bi yal na ko Yàlla dolli xéewal ak mucc ne ko: assalaamu halaykum, mu fay ko mu daldi toog, Yonnente bi ne: "fukk

عَنْ عِمْرَانَ بْنِ حُصَيْنٍ رَضِيَ اللَّهُ عَنْهُ قَالَ:
جَاءَ رَجُلٌ إِلَى النَّبِيِّ صَلَّى اللهُ عَلَيْهِ وَسَلَّمَ فَقَالَ: السَّلَامُ عَلَيْكُمْ، فَرَدَّ عَلَيْهِ ثُمَّ جَلَسَ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «عَشْرٌ» ثُمَّ جَاءَ آخَرُ فَقَالَ: السَّلَامُ عَلَيْكُمْ وَرَحْمَةُ اللَّهِ، فَرَدَّ عَلَيْهِ فَجَلَسَ، فَقَالَ: «عِشْرُونَ» ثُمَّ جَاءَ آخَرُ فَقَالَ: السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ، فَرَدَّ عَلَيْهِ فَجَلَسَ، فَقَالَ: «ثَلَاثُونَ».
[حسن] - [رواه أبو داود والترمذي وأحمد والدارمي] - [سنن أبي داود: 5195]

Jële na ñu ci Imraan Ibn Husayn -yal na leen Yàlla dollee gërëm- mu wax ne:
Jenn waay ñëw na ci Yonente bi yal na ko Yàlla dolli xéewal ak mucc ne ko: assalaamu halaykum, mu fay ko mu daldi toog, Yonnente bi ne: "fukk" keneen daal di ñëw ne: assalaamu halaykum wa rahmatu Laah, mu fay ko mu toog, mu wax ne: "ñaar fukk" topp keneen ñëw daal di ne: assalaamu halaykum wa rahmatul Laahi wabarakaatuhu, mu fay ko mu toog, mu ne: "fanweer".
[Tane na] - - [Téere Sunna yi bu Abóo Daawuda - 5195]

Leeral

Jenn waay dafa ñëw ci Yonente bi daal di ne: (assalaamu halaykum) mu fay ko mu daal di toog, Yonente bi ne: bindal nañu ko fukki yiw, topp keneen ñëw daal di ne: (assalaamu halaykum wa rahmatul Laah), mu fay ko mu toog, Yonnente bi ne: amna ñaar-fukki yiw, topp keneen ñëw daal di ne: (assalaamu halaykum wa rahmatul Laahi wabarakaatuhu), mu fay ko mu toog, Yonnente bi ne: amna fanweeri yiw; maanaam kàddu gu nekk fukki yiw la.

Bokk na ci njariñi Adiis bi

1. Ki ñëw mooy nuyu ñi toog.
2. Dolleekug fay moo ngi ci dolleekug baati nuyóo yi.
3. Li gën a mat ci nuyóo mooy: (assalaamu halaykum wa rahmatul Laahi wabarakaatuhu), li gën ci baati fay yi mooy: (wahalaykumus salaamu wa rahmatul Laahi wabarakaatuh).
4. Martabay nuyóo ak delloo gi dafa rawante fay ga it dafa rawante.
5. Jàngal nit ñi yiw ak yee leen ci amal la gën.
6. Ibn Hajar nee na: aji-tàmbali ji bu ca dollee (wa rahmatul Laah) sopp nañu mu teg ca (wa barakaatuhu) ndax kon sopp nañu dolli ca delloo ga? Niki noonu aji-tàmbali ji bu ca dollee (wa barakaatuhu) ndax sopp nañu ci moom loolu, Maalik génne na ca Muwatta jële ci Ibn Abbaas yal na ko Yàlla dollee gërëm mu wax ne: nuyóo ci wabarakaatuhu la yem.