Hadiis: Raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n yeele: "Assalaamu ʿalaykum ", (tɩlgr be ne yãmbɑ), tɩ Nabiyaamã lebsa a pʋʋsgã, rẽ poorẽ t'a zĩndi, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «piiga

عَنْ عِمْرَانَ بْنِ حُصَيْنٍ رَضِيَ اللَّهُ عَنْهُ قَالَ:
جَاءَ رَجُلٌ إِلَى النَّبِيِّ صَلَّى اللهُ عَلَيْهِ وَسَلَّمَ فَقَالَ: السَّلَامُ عَلَيْكُمْ، فَرَدَّ عَلَيْهِ ثُمَّ جَلَسَ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «عَشْرٌ» ثُمَّ جَاءَ آخَرُ فَقَالَ: السَّلَامُ عَلَيْكُمْ وَرَحْمَةُ اللَّهِ، فَرَدَّ عَلَيْهِ فَجَلَسَ، فَقَالَ: «عِشْرُونَ» ثُمَّ جَاءَ آخَرُ فَقَالَ: السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ، فَرَدَّ عَلَيْهِ فَجَلَسَ، فَقَالَ: «ثَلَاثُونَ».
[حسن] - [رواه أبو داود والترمذي وأحمد والدارمي] - [سنن أبي داود: 5195]

Yii a ʿɭmraan ɭbn Hʋsayn nengẽ, (Wẽnd yard be a yĩnga) a yeelame:
Raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n yeele: "Assalaamu ʿalaykum ", (tɩlgr be ne yãmbɑ), tɩ Nabiyaamã lebsa a pʋʋsgã, rẽ poorẽ t'a zĩndi, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «piiga», rẽ poorẽ tɩ ned a yembr wa n yeele: "Assalaamu ʿalaykum wa rahmatʋllaah", (tɩlgr lɑ Wẽnd yosg be ne yãmbɑ). tɩ Nabiyaamã reeg a pʋʋsgã, t'a zĩndi tɩ Nabiyaamã yeele: «pis-yi», rẽ poorẽ tɩ ned a to wa n yeele: "Assalaamu ʿalaykum wa rahmatʋllaah wa barakaatuhuu", (tɩlgr lɑ Wẽnd yolsg la A bark be ne yãmbɑ), tɩ Nabiyaamã reeg a pʋʋsgã t'a zĩndi, tɩ Nabiyaamã yeele: «Pis-tã».
[Hasanʋn (be neere)] - [رواه أبو داود والترمذي وأحمد والدارمي] - [Sunan Abɩɩ Daawʋʋd - 5195]

bilgrã

Raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n yeele: "Assalaamu ʿalaykum", (tɩlgr be ne yãmbɑ), tɩ Nabiyaamã reeg a pʋʋsgã, rẽ poorẽ t'a zĩndi, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «piiga», rẽ poorẽ tɩ ned a yembr wa n yeele: "Assalaamu ʿalaykum wa rahmatʋllaah", (tɩlgr lɑ Wẽnd yolsg be ne yãmbɑ). tɩ Nabiyaamã reeg a pʋʋsgã, t'a zĩndi tɩ Nabiyaamã yeele: «pis-yi», rẽ poorẽ tɩ ned a to wa n yeele: "Assalaamu ʿalaykum wa rahmatʋllaahɩ wa barakaatuhuu", (tɩlgr lɑ Wẽnd yolsg la A bark be ne yãmbɑ), tɩ Nabiyaamã reeg a pʋʋsgã t'a zĩndi, tɩ Nabiyaamã yeele: «Pis-tã», rat n yeel tɩ gom-bill fãa yaa yel-sõmd piig n be beenẽ.

Sẽn be Hɑdiisã yõod-rãmbẽ

1. Ned ning sẽn watã wã yẽ n ningd zĩidbã sallem.
2. Keoorã paasdame tɩ pʋʋsgã gom-biisã sã n paase.
3. Sẽn tʋg n pid n yɩɩd sallemã ningr pʋgẽ: (As-salaamu ʿAlaykum Wa Rahmatʋllaahɩ Wa Barakaatuhuu), la yeelg sẽn yɩɩd sõma leokrẽ wã: (Wa ʿAlaykum Assalaamu Wa Rahmatʋllaahɩ Wa Barakaatuhuu).
4. Wilgda sallemã ningr la a leokrã dargε-rãmba yɩɩd taaba, la keoorã me leb yɩɩda taaba.
5. Wilgdame tɩ b zãms nebã sẽn be neere, la b nek-ba n wilg-b tɩ b paam yel-sõma sẽn yɩɩde
6. A ɭbn Hagar yeelame (Wẽnd na yols-a) ned ning sẽn sɩnga sallemã sã n paase (Wa Rahmatʋllaahɩ) b bʋʋ nonglem tɩ b paase
7. (Wa Barakaatuh), la a sã n paas (Wa Barakaatuh) wã, rẽ yĩnga sãri maaname tɩ leokrẽ wã bɩ b paas bɩɩ? La woto bala la ned ning sẽn sɩnga sallemã sã n paase (Wa Barakaatuh) wã, rẽ yĩnga sãri wã kõ-a-la sor t'a tõe paas rẽ poor bɩɩ? Limaam maalik togsa hadiis Muwatta'a pʋgẽ, sẽn yi a ɭbn ʿAbbaas nengẽ (Wẽnd yard be b yiibã yĩnga) t'a yeelame: Sallemã tεk yaa: "Barakaatuhuu" wã.