Hadiis: Zãms sõng yii Wẽnd nengẽ, la zãms zaala a yii a sʋɩɩtãan nengẽ, yãmb ned fãa sã n wa tʋg n zãms zãmsd ning n yεεsd-a bɩ a tʋbs a goabgã wεεngẽ la a kos gũudum n yi a wẽngã, tɩ ad rẽnda a ka namsd-a ye

عَنْ أَبِي قَتَادَةَ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«الرُّؤْيَا الصَّالِحَةُ مِنَ اللَّهِ، وَالحُلُمُ مِنَ الشَّيْطَانِ، فَإِذَا حَلَمَ أَحَدُكُمْ حُلُمًا يَخَافُهُ فَلْيَبْصُقْ عَنْ يَسَارِهِ، وَلْيَتَعَوَّذْ بِاللَّهِ مِنْ شَرِّهَا، فَإِنَّهَا لاَ تَضُرُّهُ».
[صحيح] - [متفق عليه] - [صحيح البخاري: 3292]

Yii a Abɩɩ Ƙataada nengẽ (Wẽnd yard be a yĩnga) a yeelame: Nabiyaamã (Wẽnd pʋʋsg la A tɩlgr be a yĩnga) yeelame:
«Zãms sõng yii Wẽnd nengẽ, la zãms zaala a yii a sʋɩɩtãan nengẽ, yãmb ned fãa sã n wa tʋg n zãms zãmsd ning n yεεsd-a bɩ a tʋbs a goabgã wεεngẽ la a kos gũudum n yi a wẽngã, tɩ ad rẽnda a ka namsd-a ye».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 3292]

bilgrã

Nabiyaamã (Wẽnd pʋʋsg la A tɩlgr be a yĩngɑ) kõo kibare, tɩ ad zãmsd ning sẽn yaa sõmã wã, n noogd sũurã gõeemẽ wã, a yii Wẽnd nengẽ, la zãms faadã, yẽ me yaa tʋg n yã bũmb ninga f sẽn ka nonge, n sãamd sũurã, yẽ yi a sʋɩɩtãan nengẽ.
Rẽnd ned ning sẽn wa n yã a sẽn kisi, bɩ a tʋbs a goabgã wεεngẽ la a kos gũudum ne Wẽnde n yi a zãmsdã wẽnga, tɩ ad rẽnda ka na n nams-a ye, ne Wẽnd sẽn maan b sẽn togs tɩ loogã tɩ yaa sabab n tɩlgd-a n yi wẽng ningã yẽ sẽn yã a gõeemẽ wã.

Sẽn be Hɑdiisã yõod-rãmbẽ

1. Zãms sõng la zãms yookã, b fãa gill yaa gõet sẽn yãt yεl nins a gõeemẽ wã, lɑ b nong n boondɑ b sẽn yãt yεl nins tɩ yaa noogã n yaa sõmã wã tɩ zãms noogo, la b sẽn yãt tɩ yaa wẽngã tɩ zãms yook, la b yiibã yembr fãa boondame tɩ zãmsdo.
2. Yaa zamsdã bugsi: yaa zamsd sẽn yaa sɩda, n leb yaa sũ-noogr sẽn yit Wẽnd nengẽ, tɩ muumin yãt-a maa nin-zẽng yã-a a yĩnga, 2-yaa yõor sẽn yẽsd a menga, yẽ me la bũmb ninga ned sẽn na n tagsd a sũurẽ, yẽ nenemã sasa n wa tʋg n yã a gõeemẽ wã, 3-yaa sũ-sãanga la yεεsg la pεleng yɩk sẽn yi a sʋɩɩtãan nenge, sẽn na yɩl n sãam Adam biiga sũurã.
3. B sẽn togs zams sõngã ragnoyã a yaa yεl a tãabo: yaa a pẽg Wẽnd ne zamsdã la a noog a sũur ne-a la a yẽs ne-a a sẽn nong a soaba, la a ka yẽsd ne a sẽn kis a soaba ye.
4. Sẽn kẽed b sẽn togs zams yookã zʋgdẽ yaa yεl a nu: yaa a kos gũudum ne Wẽnd n yi a wẽngã la a sʋɩɩtãan wẽnga, la a tʋbs a sẽn wat n yik a gõeemẽ a goabg sẽnẽ naoor a tãabo, la a ra togs-a ne ned baa a yembr ye, la a sã n rat n lebg n gãande, a toeemda kɩreng ning yẽ sẽn rag n gõe wã, tɩ zams-kãng ka namsd-a ye