Ab Adiis: gént gu baax ci Yàlla la jóge, gént gu bon nag ci Saytaane la jóge, bu kenn ci yéen gisee gént gu mu ragal, na tifli ci càmmooñam, te muslu ci Yàlla ci ayam, kon du ko lor

عَنْ أَبِي قَتَادَةَ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«الرُّؤْيَا الصَّالِحَةُ مِنَ اللَّهِ، وَالحُلُمُ مِنَ الشَّيْطَانِ، فَإِذَا حَلَمَ أَحَدُكُمْ حُلُمًا يَخَافُهُ فَلْيَبْصُقْ عَنْ يَسَارِهِ، وَلْيَتَعَوَّذْ بِاللَّهِ مِنْ شَرِّهَا، فَإِنَّهَا لاَ تَضُرُّهُ».
[صحيح] - [متفق عليه] - [صحيح البخاري: 3292]

Jële nañu ci Abii Xataadata yal na ko Yàlla dolli xéewal ak mucc mu wax ne: Yonnente bi yal na ko Yàlla dolli xéewal ak mucc mu wax ne:
"gént gu baax ci Yàlla la jóge, gént gu bon nag ci Saytaane la jóge, bu kenn ci yéen gisee gént gu mu ragal, na tifli ci càmmooñam, te muslu ci Yàlla ci ayam, kon du ko lor".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 3292]

Leeral

Yonnente bi yal na ko Yàlla dolli xéewal ak mucc day xamle ne gént gu baax guy bégloo ci ay nelaw ci Yàlla lay jóge, gént gu bon nag te mooy gént gu ñu bañ te muy jàqloo ci Saytaane lay jóge.
Ku gis lu mu bañ na tifli ci càmmooñam, na muslu ci Yàlla ci ayam; kon du ko lor, ndax Yàlla dafa def loolu ñu tudd sabab ci mucc ci lu bon lay joge ci gént gu bon ga.

Bokk na ci njariñi Adiis bi

1. Ruyaa ak Hulum ay maanaa la ci bir yi kiy nelaw di gis, waaye Ruyaa dafa not ci li muy gis ci yiw ak mbir mu rafet, Hulum not ci li muy gis ci ay ak lu bon, dees na jëfandikoo bu nekk ci ñoom ñaar ca bérabu bérabu mroom ja.
2. Xeeti gént yi: 1- gént gu baax, moom géntug dëgg la di bégle gu bawoo fa Yàlla, da koy gis, walla ñu gisal ka ko, 2- waxtaanu bakkan, te mooy li nit ki di wax ak boppam cig yeewu, 3- jàqloo ak tiitloo yu Saytaane ak ay ragalloo yu jóge ci moom ngir jàqloo doomu Aadama ji.
3. Li am ci li ñu tund ci bunti gént gu baax, ñatti bir la: mu sant Yàlla ci loolu, daal di ciy bég, daal di koy waxe, waaye ku mu bëgg rekk la koy wax, déet ki mu bëggul.
4. Teggin yi war ci gént gu bon juróomi la: mu muslu ci Yàlla ci ayam, ak ayu Saytaane, bu jogee ci nelaw yi mu tifli ci càmmooñam ñatti yoon, te du ko wax kenn mukk, bu bëggee dellu ca nelaw ya day wëlbatiku tëdde geneen wet; kon du ko lor.