হাদীছ: তোমালোকে ইয়াহুদী আৰু নাচাৰাসকলক প্ৰথমে ছালাম নকৰিবা। ৰাস্তাত যদি সিহঁতৰ মাজৰ কাৰোবাৰ সৈতে তোমালোকৰ সাক্ষাৎ হয় তেন্তে তাক সংকীৰ্ণ পথেৰে যাবলৈ বাধ্য কৰিবা।
عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا تَبْدَؤوا الْيَهُودَ وَلَا النَّصَارَى بِالسَّلَامِ، فَإِذَا لَقِيتُمْ أَحَدَهُمْ فِي طَرِيقٍ فَاضْطَرُّوهُ إِلَى أَضْيَقِهِ».
[صحيح] - [رواه مسلم] - [صحيح مسلم: 2167]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, ৰাছুলুল্লাহ চাল্লাল্লাহু আলাইহি অছাল্লামে কৈছেঃ
"তোমালোকে ইয়াহুদী আৰু নাচাৰাসকলক প্ৰথমে ছালাম নকৰিবা। ৰাস্তাত যদি সিহঁতৰ মাজৰ কাৰোবাৰ সৈতে তোমালোকৰ সাক্ষাৎ হয় তেন্তে তাক সংকীৰ্ণ পথেৰে যাবলৈ বাধ্য কৰিবা।"
[ছহীহ] - [(মুছলিম)] - [ছহীহ মুছলিম - 2167]
নবী চাল্লাল্লাহু আলাইহি অছাল্লামে হাদীছটোত ইয়াহুদী আৰু খ্ৰীষ্টানসকলক প্ৰথমে ছালাম দিবলৈ নিষেধ কৰিছে, যদিও সিহঁত যিম্মী হয়, অন্যান্য কাফিৰৰ বিপৰীতে। লগতে নবী চাল্লাল্লাহু আলাইহি অছাল্লামে কৈছে যে, যেতিয়া আমাৰ সৈতে ৰাস্তাত সিহঁতৰ সাক্ষাৎ হ'ব তেতিয়া আমি যেন সিহঁতক সংকীৰ্ণ পথেৰে যাবলৈ বাধ্য কৰোঁ। মুমিনে যেন ৰাস্তাৰ মাজেৰে খোজকাঢ়ে। কাফিৰে যেন ছাইড দিবলৈ বাধ্য হয়। কোনো অৱস্থাতে যেন মুছলিমে অপমান অপদস্থ নহয়।
হাদীছৰ পৰা সংগৃহীত উপকাৰিতাসমূহ
- ইয়াহুদী খ্ৰীষ্টানকে আদি কৰি কোনো কাফিৰকে প্ৰথমে ছালাম কৰাটো মুছলিমৰ বাবে বৈধ নহয়।
- যদি সিহঁতে প্ৰথমে ছালাম কৰে তেন্তে উত্তৰত কেৱল এইখিনি কোৱাটো বৈধ, ওৱা আলাইকুম।
- ইচ্ছাকৃতভাৱে বিনা কোনো কাৰণত কোনো কাফিৰকে হাৰাশাস্তি কৰাটো কোনো মুছলিমৰ বাবেই বৈধ নহয়। কিন্তু পথ যদি সংকীৰ্ণ হয় অথবা ভিৰ থাকে তেন্তে কাফিৰে মুছলিমৰ বাবে পথ এৰি দিয়াটো কৰ্তব্য।
- বেয়া ভাষা ব্যৱহাৰ নকৰাকৈ অথবা কাৰো প্ৰতি অন্যায় নকৰাকৈ মুছলিমসকলৰ মৰ্যাদা প্ৰকাশ কৰিবলৈ বেলেগক তল খাপৰ দেখুৱাত কোনো বাধা নাই।
- কাফিৰসকলৰ প্ৰতি পথ সংকীৰ্ণ কৰাৰ কাৰণ হৈছে সিহঁতে আল্লাহক অস্বীকাৰ কৰিছে। সেয়ে কেতিয়াবা এইটো ইছলাম গ্ৰহণৰ কাৰণ হ'ব পাৰে, ফলত সি জাহান্নামৰ পৰা ৰক্ষা পাব। যদি সি ইয়াৰ ফলত সত্য জানিবলৈ চেষ্টা কৰে।
- মুছলিমে প্ৰয়োজনত প্ৰথমে কোনো কাফিৰক এই বুলি কোৱাত কোনো বাধা নাই, উদাহৰণস্বৰূপেঃ কি খবৰ তোমাৰ? কেনে আছা? খা-খবৰ ভালনে আদি? কাৰণ নিষেধ কৰা হৈছে কেৱল প্ৰথমে ছালাম দিবলৈ।
- ত্বীবি ৰাহিমাহুল্লাহে কৈছেঃ সঠিক মত এইটোৱে যে, কোনো বিদআতীক প্ৰথমে ছালাম কৰা উচিত নহয়। যদি কোনোবাই নাজানি এনেকুৱা ব্যক্তিক ছালাম কৰে আৰু পিছত যদি গম পায় যে, সি এজন যিম্মী কাফিৰ অথবা বিদআতী তেন্তে এইদৰে ক'ব লাগেঃ মই মোৰ ছালাম ঘূৰাই ল'লোঁ। যাতে সি নিজকে তুচ্ছ জ্ঞান কৰে।
শ্ৰেণীবিন্যাসসমূহ
অধিক
- হাদীছ: পাঁচ ওৱাক্ত চালাত, এটা জুমু‘আৰ পৰা আনটো জুমু‘আ তথা এটা ৰামাজানৰ পৰা আনটো ৰামাজান, এইবোৰ হৈছে সেইবোৰ গুনাহৰ কাফফাৰা যিবোৰ ইয়াৰ মধ্যৱৰ্তী সময়ত হৈ থাকে, যদিহে কবীৰা গুনাহৰ পৰা বিৰত থকা হয়।
- হাদীছ: এজন মুছলিমৰ ওপৰত আন এজন মুছলিমৰ আছে পাঁচটা অধিকাৰ: ছালামৰ উত্তৰ দিয়া, ৰুগীক শুশ্ৰুষা কৰা, জানাযাৰ অনুসৰণ কৰা, নিমন্ত্ৰণ গ্ৰহণ কৰা আৰু হাঁচি দিয়া ব্যক্তিৰ উত্তৰ দিয়া।
- হাদীছ: নিশ্চয় কিছুমান লোকে আল্লাহৰ সম্পদ অন্যায়ভাৱে ব্যয় কৰে। এতেকে সিহঁতৰ বাবে কিয়ামতৰ দিনা আছে জাহান্নামৰ জুই।
- হাদীছ: তোমালোকে মৃত লোকসকলক গালি নাপাৰিবা; কাৰণ সিহঁতে নিজৰ কৰ্মফলৰ ওচৰত উপনীত হৈছে।
- হাদীছ: কোনো মুছলিমৰ বাবেই বৈধ নহয় তাৰ ভাইৰ লগত তিনি দিনতকৈ অধিক সময় কথা-বতৰা বন্ধ ৰখা, অৰ্থাৎ যেতিয়া সিহঁতে পৰস্পৰে সাক্ষাৎ কৰে, তেতিয়া এজনে ইফালে মুখ ঘূৰাই লয় আৰু আনজনে সিফালে মুখ ঘূৰাই লয়। সিহঁত দুজনৰ মাজত উত্তম হৈছে সেই ব্যক্তি, যিয়ে প্রথমে ছালাম কৰিব।
- হাদীছ: আত্মীয়তাৰ বন্ধন বিচ্ছিন্নকাৰী জান্নাতত প্ৰৱেশ কৰিব নোৱাৰিব।
- হাদীছ: আল্লাহৰ ওচৰত আটাইতকৈ ঘৃণনীয় ব্যক্তি হৈছে সেইজন, যিজন কলহপ্ৰিয়।