Hadiis: Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã

عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا تَبْدَؤوا الْيَهُودَ وَلَا النَّصَارَى بِالسَّلَامِ، فَإِذَا لَقِيتُمْ أَحَدَهُمْ فِي طَرِيقٍ فَاضْطَرُّوهُ إِلَى أَضْيَقِهِ».
[صحيح] - [رواه مسلم] - [صحيح مسلم: 2167]

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) ɑ yeelame:
«Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2167]

bilgrã

Nabiyaamã (Wẽnd pʋʋsg la A tɩlgr be a yĩngɑ) gɩdgdame tɩ b sɩng Yahuud-rãmba la Nasaar-rãmba ne sallem ningri, baa tɩ b yaa Zɩmmy rãmba, tɩ pa gomd sẽn yaa kɩfr-rãmbã, la Nabiyaamã (Wẽnd pʋʋsg la A tɩlgr be a yĩngɑ) vẽnegame tɩ tõnd sã n seg b yembr sor zug bɩ d modg-a n pẽdg-a t'a rɩk so-sẽkã, bala sɩd-kõta yẽnda la sẽn kẽnd sorã tẽn-sʋkã, la ned ning sẽn kergda wã yẽ yaa kɩfre, rẽnd sɩd-kõt ka yɩt valenga, sẽn yaa halhaal ning fãa.

Sẽn be Hɑdiisã yõod-rãmbẽ

1. Ka sõmb ne lɩslaam t'a sɩng ned sẽn yaa Yahuuda la Naasaar la b zẽng sẽn yaa kɩfr-rãmbã, ne sallem ningr ye.
2. Sakdame tɩ reeg b sallem n yeele: "Wa ʿAlaykum" tɩ b sã n sɩnge.
3. Ka sõmb ne lɩslaam t'a toglg n rat n nams kɩfr ye, n sẽkd-a tɩ ka tũ ne sabab ye, n modg-a t'a rɩk so-sẽkã; la sã n mik tɩ sorã yaa sẽka maa a pidame rẽnd lɩslaam n tar hakε ne-a, la kɩfrã lakda sorã zugu.
4. Wilgda lɩslaambã zɩslemã vẽnegre la zẽng sẽn ka lɩslaambã paoodlem vẽnegre, tɩ ka tũ ne wẽgbo maa beedo koεεg pʋgẽ.
5. Kɩfr-rãmbã sẽgemdgo a sababã yaa b sẽn be zĩig ningã sẽn kɩflg ne Wẽndã (A Naam zẽk yã) la tõeeme n yɩ sabab tɩ b kẽ lɩslaangã pʋgẽ, n põs Bugmã, tɩ rẽ sã n tall-b tɩ b bao n na n bãng sababã.
6. Yell ka be tɩ lɩslaam sɩng n yeel kɩfre: f kibar yaa wãnã? F yika laafɩ? Zaabr kibare? La sẽn wõnd rẽnda, sã n mikame tɩ tʋlsem n be beenẽ; bala b sẽn gɩdgã yaa sallemã ningri.
7. A Aṭ-Ṭɩɩby yeelame: B sẽn yãkã yaa tɩ b ka sɩngd ne bid'ah soab sallem ningr ye, la a sã n pʋʋs ned ning a sẽn ka mi, rẽ poorẽ tɩ vẽneg tɩ yaa Zɩmmy ( kɩfr-soaanda) maa bid'ah neda, a yetame: "m lebsa m salamã" tɩ yaa a paoogr ne-a.