हदीस: जसले यस संसारमा रेशम लगाउँछ, उसले परलोकमा लगाउने छैन ।

عَنْ عُمَرَ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«مَنْ لَبِسَ الحَرِيرَ فِي الدُّنْيَا لَمْ يَلْبَسْهُ فِي الآخِرَةِ».
[صحيح] - [متفق عليه] - [صحيح البخاري: 5834]

उमर (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"जसले यस संसारमा रेशम लगाउँछ, उसले परलोकमा लगाउने छैन ।"
[सही] - [मुत्तफकुन अलैहि] - [सही बुखारी - 5834]

व्याख्या

रसूल (सल्लल्लाहु अलैहि वसल्लम) ले यस संसारमा रेशमी कपडा लगाउने र तौबा (पश्चात्ताप) नगरी मर्ने पुरुषलाई परलोकमा सजायको रूपमा यो पहिरनबाट वञ्चित गरिने बताउनुभएको छ ।

हदीसका केही फाइदाहरू

1. रेशम भनेको शुद्ध प्राकृतिक रेशम हो । तर कृत्रिम रेशम हदीसमा समावेश गरिएको छैन ।
2. पुरुषहरूका लागि रेशम लगाउन निषेध गरिएको छ ।
3. रेशमी कपडा लगाउन निषेध मा यसलाई बिछाउने पनि समावेश छ ।
4. पुरुषहरूले कपडामा केही रेशम प्रयोग गर्न अनुमति छ, त्यो पनि चौडाइमा दुई देखि चार औंलाहरू भन्दा बढी हुँदैन र कपडाको किनारा वा चिन्हको रूपमा मात्र प्रयोग गर्न सकिन्छ ।