ഹദീസ്: ആരെങ്കിലും ഇഹലോകത്ത് പട്ട് ധരിച്ചാൽ അവൻ അന്ത്യനാളിൽ അത് ധരിക്കുന്നതല്ല

عَنْ عُمَرَ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«مَنْ لَبِسَ الحَرِيرَ فِي الدُّنْيَا لَمْ يَلْبَسْهُ فِي الآخِرَةِ».
[صحيح] - [متفق عليه] - [صحيح البخاري: 5834]

ഉമർ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു:
"ആരെങ്കിലും ഇഹലോകത്ത് പട്ട് ധരിച്ചാൽ അവൻ അന്ത്യനാളിൽ അത് ധരിക്കുന്നതല്ല."
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح البخاري - 5834]

വിശദീകരണം

ഇഹലോകത്ത് പട്ട് ധരിക്കുന്ന പുരുഷന്മാർ അതിൽ നിന്ന് പശ്ചാത്തപിക്കാതെ മരണപ്പെട്ടാൽ പരലോകത്ത് അവർക്ക് അത് ധരിക്കാൻ സാധിക്കില്ലെന്ന് നബി -ﷺ- വിവരിക്കുന്നു.

ഹദീഥിൻ്റെ പാഠങ്ങളിൽ നിന്ന്

1. ശുദ്ധവും പ്രകൃതിദത്തവുമായ പട്ടാണ് ഇവിടെ ഉദ്ദേശിക്കുന്നത്. എന്നാൽ കൃത്രിമമായി നിർമ്മിച്ച പട്ടുവസ്ത്രങ്ങൾ ഈ ഹദീഥിൻ്റെ പരിധിയിൽ ഉൾപ്പെടുന്നതല്ല.
2. പുരുഷന്മാർ പട്ടുവസ്ത്രം ധരിക്കൽ നിഷിദ്ധമാണ്.
3. പട്ട് ധരിക്കരുത് എന്ന വിലക്കിൽ പട്ട് വസ്ത്രം ധരിക്കുന്നതും, അത് വിരിപ്പായി ഉപയോഗിക്കുന്നതും ഉൾപ്പെടും.
4. രണ്ടു വിരലുകൾ മുതൽ നാലു വിരലുകളുടെ വീതിയിൽ കവിയാത്ത തരത്തിൽ - കരയായോ അടയാളമായോ - വസ്ത്രത്തിൽ പട്ട് ഉപയോഗിക്കൽ പുരുഷന്മാർക്ക് അനുവദനീയമാണ്.