Hadith: “អ្នកមូស្លីម គឺអ្នកដែលផ្តល់សុវត្ថិភាពដល់អ្នកមូស្លីមដទៃទៀតពីអណ្តាតនិងដៃរបស់ខ្លួន។ ចំណែកអ្នកហ៊ិជ្ជរ៉ោះ(ចំណាកស្រុក) គឺអ្នកដែលចាកចោលអ្វីដែលអល់ឡោះទ្រង់បានហាមឃាត់”។

عَنْ عَبْدِ اللَّهِ بْنِ عَمْرٍو رَضِيَ اللَّهُ عَنْهُمَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«المُسْلِمُ مَنْ سَلِمَ المُسْلِمُونَ مِنْ لِسَانِهِ وَيَدِهِ، وَالمُهَاجِرُ مَنْ هَجَرَ مَا نَهَى اللَّهُ عَنْهُ».
[صحيح] - [متفق عليه] - [صحيح البخاري: 10]

អំពី អាប់ទុលឡោះ ពិន អាំរ៍ رضي الله عنهما អំពីណាពី ﷺ លោកបានមានប្រសាសន៍ថា៖
“អ្នកមូស្លីម គឺអ្នកដែលផ្តល់សុវត្ថិភាពដល់អ្នកមូស្លីមដទៃទៀតពីអណ្តាតនិងដៃរបស់ខ្លួន។ ចំណែកអ្នកហ៊ិជ្ជរ៉ោះ(ចំណាកស្រុក) គឺអ្នកដែលចាកចោលអ្វីដែលអល់ឡោះទ្រង់បានហាមឃាត់”។
[صحيح] - [متفق عليه] - [صحيح البخاري - 10]

Explanation

ណាពី ﷺ លោកបានប្រាប់ថា ជាការពិតណាស់ ជនមូស្លីមពិតប្រាកដ គឺអ្នកដែលធ្វើឲ្យជនមូស្លីមដទៃមានសុវត្ថិភាពពីអណ្តាតរបស់ខ្លួន ដោយគេមិនជេរប្រមាថ មិនដាក់បណ្តាសា មិននិយាយដើម និងមិនបង្កការឈឺចាប់ដល់អ្នកដទៃតាមរយៈពាក្យសម្តីរបស់ខ្លួននោះឡើយ និងធ្វើឲ្យអ្នកមូស្លីមដទៃទៀតមានសុវត្ថិភាពពីដៃរបស់ខ្លួនដោយគេមិនប្រើហិង្សាលើអ្នកដទៃ មិនយកទ្រព្យសម្បត្តិអ្នកដទៃដោយខុសច្បាប់ ក៏ដូចជាប្រការផ្សេងៗទៀត។ ចំណែកអ្នកហ៊ិជ្ជរ៉ោះ(ចំណាកស្រុក) គឺអ្នកដែលបោះបង់នូវអ្វីដែលអល់ឡោះជាម្ចាស់ទ្រង់បានហាមឃាត់។

Benefits from the Hadith

1. ភាពពេញលេញនៃសាសនាឥស្លាមនឹងមិនអាចសម្រេចបានឡើយ លុះត្រាតែគេមិនបង្កបញ្ហាដល់អ្នកដទៃ ទាំងផ្លូវកាយ និងផ្លូវចិត្ត។
2. ការលើកឡើងជាពិសេសអំពីអណ្តាតនិងដៃ គឺដោយសារតែកំហុស និងការបង្កគ្រោះថ្នាក់ភាគច្រើនកើតចេញពីសរីរាង្គទាំងពីរនេះ។
3. ជំរុញឱ្យបោះបង់អំពើល្មើស ហើយប្រកាន់ខ្ជាប់នូវបទបញ្ជាទាំងឡាយរបស់អល់ឡោះជាម្ចាស់។
4. ជនមូស្លីមដែលល្អជាងគេបំផុត គឺអ្នកដែលបំពេញនូវសិទ្ធិទាំងឡាយអល់ឡោះ និងសិទ្ធិទាំងឡាយរបស់ជនមូស្លីមទូទៅ។
5. ការរំលោភបំពានអាចកើតឡើងតាមរយៈពាក្យសម្តី និងទង្វើ។
6. ការហ៊ិជ្ជរ៉ោះ(ចំណាកស្រុក)ពិតប្រាកដ គឺការចាកចេញពីអ្វីដែលអល់ឡោះជាម្ចាស់ទ្រង់បានហាមឃាត់។