Hədis: Müsəlman o kəsdir ki, digər müsəlmanlar onun dilindən və əlindən əmin-amanlıqda olar, mühacir isə Allahın haram etdiklərini tərk edəndir”

عَنْ عَبْدِ اللَّهِ بْنِ عَمْرٍو رَضِيَ اللَّهُ عَنْهُمَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«المُسْلِمُ مَنْ سَلِمَ المُسْلِمُونَ مِنْ لِسَانِهِ وَيَدِهِ، وَالمُهَاجِرُ مَنْ هَجَرَ مَا نَهَى اللَّهُ عَنْهُ».
[صحيح] - [متفق عليه] - [صحيح البخاري: 10]

Abdullah ibn Amrdan (Allah onların hər ikisindən razı olsun) Peyğəmbərin (Allahın salavatı və salamı onun üzərinə olsun) belə dediyi rəvayət edilir:
"Müsəlman o kəsdir ki, digər müsəlmanlar onun dilindən və əlindən əmin-amanlıqda olar, mühacir isə Allahın haram etdiklərini tərk edəndir”.
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihul-Buxari - 10]

Şərh (izah)

Peyğəmbər (Allahın salavatı və salamı onun üzərinə olsun) xəbər vermişdir ki, İslamı kamil olan müsəlman, digər müsəlmanların dilindən əmin-amanlıqda olan kəsdir, onları söyməz, lənətləməz, onların qeybətini etməz, dili ilə onlara heç bir zərər yetirməyə çalışmaz. Onlar onun əlindən əmin-amanlıqdadırlar, onlara hücum etməz, onların mallarını haqsız yerə almaz və buna bənzər heç bir şey etməz. Mühacir isə Uca Allahın haram etdiklərini tərk edən kəsdir.

Hədisin faydalarından

1. İslamın kamilliyi, yalnız başqalarına maddi və mənəvi zərər verməməklə hasil olur.
2. Dilin və əlin xüsusi olaraq qeyd edilməsi, onların çoxlu xəta və zərərlərinə görədir. Çünki, şərlərin çoxu onlardan çıxır.
3. Günahları tərk etməyə və Uca Allahın əmr etdiklərini yerinə yetirməyə təşviq.
4. Müsəlmanların ən üstünü Uca Allahın haqqını və müsəlmanların haqlarını yerinə yetirəndir.
5. Başqalarının haqlarını tapdalamaq, sözlə və ya əməllə ola bilər.
6. Kamil hicrət, Uca Allahın haram etdiklərini tərk etməkdir.