Hadith: “ពិតប្រាកដណាស់ អ្នកដែលប្រកាន់ខ្ជាប់នូវភាពយុត្ដិធម៌ទាំងឡាយ នៅចំពោះមុខអល់ឡោះជាម្ចាស់ គឺស្ថិតនៅលើវេទិកាដែលធ្វើអំពីពន្លឺ ស្ថិតនៅផ្នែកខាងស្តាំនៃម្ចាស់ដ៏មហាសប្បុរស ហើយព្រះហត្ថទាំងទ្វេរបស់ទ្រង់ គឺខាងស្តាំ

عن عبد الله بن عمرو رضي الله عنهما قال: قال رسول الله صلى الله عليه وسلم:
«إِنَّ الْمُقْسِطِينَ عِنْدَ اللهِ عَلَى مَنَابِرَ مِنْ نُورٍ، عَنْ يَمِينِ الرَّحْمَنِ عَزَّ وَجَلَّ، وَكِلْتَا يَدَيْهِ يَمِينٌ، الَّذِينَ يَعْدِلُونَ فِي حُكْمِهِمْ وَأَهْلِيهِمْ وَمَا وَلُوا».
[صحيح] - [رواه مسلم] - [صحيح مسلم: 1827]

អំពី អាប់ទុលឡោះ ពិន អាំរ៍ رضي الله عنهما បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ពិតប្រាកដណាស់ អ្នកដែលប្រកាន់ខ្ជាប់នូវភាពយុត្ដិធម៌ទាំងឡាយ នៅចំពោះមុខអល់ឡោះជាម្ចាស់ គឺស្ថិតនៅលើវេទិកាដែលធ្វើអំពីពន្លឺ ស្ថិតនៅផ្នែកខាងស្តាំនៃម្ចាស់ដ៏មហាសប្បុរស ហើយព្រះហត្ថទាំងទ្វេរបស់ទ្រង់ គឺខាងស្តាំ គឺអ្នកដែលប្រកាន់នូវភាពយុត្ដិធម៌នៅក្នុងការកាត់ក្ដីរបស់ខ្លួន នៅក្នុងក្រុមគ្រួសាររបស់ខ្លួន និងអ្វីដែលខ្លួនគ្រប់គ្រង”។
[صحيح] - [رواه مسلم] - [صحيح مسلم - 1827]

Explanation

ណាពី ﷺ លោកបានប្រាប់ថា ជាការពិតណាស់ អ្នកដែលកាត់សេចក្តីរវាងមនុស្សដែលនៅក្រោមការគ្រប់គ្រងរបស់ខ្លួន និងនៅក្រោមច្បាប់របស់ខ្លួនដោយភាពយុត្តិធម៌ ត្រឹមត្រូវ ពិតណាស់ពួកគេនឹងបានអង្គុយនៅលើវេទិកាដ៏ខ្ពស់ដែលត្រូវបានបង្កើតពីពន្លឺ ជាការលើកតម្កើង និងផ្តល់កិត្តិយសដល់ពួកគេនៅថ្ងៃបរលោក។ ហើយវេទិកាកិត្តិយសនេះ គឺស្ថិតនៅផ្នែកខាងស្តាំនៃម្ចាស់ដ៏មហាសប្បុរស។ ហើយព្រះហត្ថទាំងទ្វេរបស់អល់ឡោះជាម្ចាស់ គឺខាងស្តាំ។

Benefits from the Hadith

1. ឧត្តមភាពនៃការប្រកាន់ខ្ជាប់នូវភាពយុត្តិធម៌ និងជំរុញឲ្យប្រកាន់ខ្ជាប់នូវភាពយុត្តិធម៌។
2. ភាពយុត្តិធម៌ទូទៅ គឺគ្របដណ្តប់លើការគ្រប់គ្រងទាំងអស់ រួមទាំងការកាត់សេចក្តីរវាងមនុស្សទាំងឡាយ សូម្បីរវាងភរិយា កូនៗ និងផ្សេងៗទៀត។
3. បញ្ជាក់ពីឋានៈរបស់អ្នកដែលប្រកាន់ខ្ជាប់នូវភាពយុត្តិធម៌ទាំងឡាយនៅថ្ងៃបរលោក។
4. អ្នកមានជំនឿទាំងឡាយ គឺមានឋានៈខុសៗគ្នានៅថ្ងៃបរលោកអាស្រ័យទៅតាមទង្វើដែលគេបានសាង។
5. វិធីសាស្ត្រលើកទឹកចិត្ត គឺជាវិធីសាស្ត្រមួយនៅក្នុងការអំពាវនាវ(ហ្ទាក់វ៉ះ)ដែលជំរុញឲ្យអ្នកត្រូវគេអំពាវនាវគោរពប្រតិបត្តិអល់ឡោះ។