Hadith: “ចូរអ្នកកុំមើលស្រាលទង្វើល្អ សូម្បីតែទឹកមុខញញឹមពេលជួបបងប្អូនរបស់អ្នកក៏ដោយ(ក៏ជាទង្វើល្អមួយដែរ)”។

عن أبي ذر رضي الله عنه قال: قال لي النبي صلى الله عليه وسلم:
«لَا تَحْقِرَنَّ مِنَ الْمَعْرُوفِ شَيْئًا، وَلَوْ أَنْ تَلْقَى أَخَاكَ بِوَجْهٍ طَلْقٍ».
[صحيح] - [رواه مسلم] - [صحيح مسلم: 2626]

អំពី អាពូហ្សើរ رضي الله عنه បាននិយាយថា៖ ណាពី ﷺ លោកបានមានប្រសាសន៍មកកាន់ខ្ញុំថា៖
“ចូរអ្នកកុំមើលស្រាលទង្វើល្អ សូម្បីតែទឹកមុខញញឹមពេលជួបបងប្អូនរបស់អ្នកក៏ដោយ(ក៏ជាទង្វើល្អមួយដែរ)”។
[صحيح] - [رواه مسلم] - [صحيح مسلم - 2626]

Explanation

ណាពី ﷺ លោកបានជំរុញឲ្យធ្វើទង្វើល្អ ហើយមិនត្រូវមើលស្រាលចំពោះទង្វើល្អនោះឡើយ សូម្បីវាតិចតួចក៏ដោយ ក្នុងចំណោមនោះ គឺការមានទឹកមុខញញឹមពេលជួបគ្នា។ ដូចនេះ គប្បីលើជនមូស្លីមត្រូវយកចិត្តទុកដាក់ចំពោះវា ត្បិតការញញឹម គឺបង្កើននូវមិត្តភាពនិងភាពស្និទ្ធស្នាលជាមួយបងប្អូនមូស្លីម ហើយនាំមកនូវសុភមង្គល និងរីករាយនៅក្នុងចិត្តរបស់គេ។

Benefits from the Hadith

1. ឧត្តមភាពនៃការមានក្តីស្រឡាញ់ចំពោះគ្នាទៅវិញទៅមករវាងអ្នកមូស្លីម និងការមានទឹកមុខញញឹមរីករាយពេលជួបគ្នា។
2. ភាពពេញលេញនៃច្បាប់ឥស្លាម ហើយវានាំមកនូវប្រការទាំងឡាយដែលផ្តល់ផលប្រយោជន៍ដល់អ្នកមូស្លីម និងធ្វើឲ្យពួកគេរួបរួមសាមគ្គីគ្នា។
3. ជំរុញឲ្យធ្វើទង្វើល្អ ទោះបីទង្វើនោះតិចតួចក៏ដោយ។
4. លើកទឹកចិត្តឲ្យផ្តល់ភាពរីករាយដល់អ្នកមូស្លីម ព្រោះការធ្វើដូចនោះ គឺបញ្ជាក់ពីក្តីស្រឡាញ់ចំពោះគ្នាទៅវិញទៅមករវាងពួកគេ។