Hadith: “សូមអល់ឡោះជាម្ចាស់ទ្រង់មានក្តីមេត្តាករុណាដល់បុរសម្នាក់ដែលមានការអធ្យាស្រ័យនៅពេលលក់ នៅពេលទិញ និងនៅពេលទារបំណុល”។

عن جابر رضي الله عنه أن رسول الله صلى الله عليه وسلم قال:
«رَحِمَ اللهُ رَجُلًا سَمْحًا إِذَا بَاعَ، وَإِذَا اشْتَرَى، وَإِذَا اقْتَضَى».
[صحيح] - [رواه البخاري] - [صحيح البخاري: 2076]

អំពី ជើពៀរ رضي الله عنه ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“សូមអល់ឡោះជាម្ចាស់ទ្រង់មានក្តីមេត្តាករុណាដល់បុរសម្នាក់ដែលមានការអធ្យាស្រ័យនៅពេលលក់ នៅពេលទិញ និងនៅពេលទារបំណុល”។
[صحيح] - [رواه البخاري] - [صحيح البخاري - 2076]

Explanation

ណាពី ﷺ លោកបួងសួងសុំឱ្យទទួលបានក្តីមេត្តាករុណាដល់រាល់អ្នកដែល៖ ផ្តល់ភាពងាយស្រួល ចិត្តទូលាយ និងមានចិត្តសប្បុរសនៅក្នុងការលក់ ដោយគេមិនដាក់សម្ពាធលើអ្នកទិញទាក់ទងនឹងតម្លៃទំនិញឡើយ ហើយប្រាស្រ័យទាក់ទងនឹងអ្នកទិញដោយសុជីវធម៌ល្អប្រពៃ។ ផ្តល់ភាពងាយស្រួល ចិត្តទូលាយ និងមានក្តីសប្បុរសនៅពេលទិញ ដោយគេមិនបន្ទាបបន្ថោកតម្លៃទំនិញនោះឡើយ។ ផ្តល់ភាពងាយស្រួល ចិត្តទូលាយ និងមានក្តីសប្បុរសនៅពេលទារបំណុល ដោយគេមិនដាក់សម្ពាធលើជនក្រីក្រ និងអ្នកដែលមានតម្រូវការចាំបាច់នោះឡើយ។ ផ្ទុយទៅវិញ គេទារបំណុលពីអ្នកទាំងនោះដោយភាពទន់ភ្លន់ ហើយពន្យារពេលសងបំណុលចំពោះអ្នកដែលមានការលំបាក។

Benefits from the Hadith

1. ក្នុងចំណោមគោលបំណងនៃច្បាប់បញ្ញត្តិអ៊ីស្លាម គឺការរក្សានូវអ្វីដែលធ្វើឲ្យទំនាក់ទំនងរវាងមនុស្សមានភាពប្រសើរឡើង។
2. លើកទឹកចិត្តឱ្យមានសុជីវធម៌ល្អក្នុងទំនាក់ទំនងរវាងមនុស្ស ដូចជាក្នុងការទិញលក់ជាដើម។