Hadith: “អាប់ឱនហើយ អាប់ឱនហើយ អាប់ឱនហើយ”។ មានគេសួរថា៖ តើនរណាទៅ ឱរ៉ស៊ូលុលឡោះ? លោកបានឆ្លើយថា៖ “គឺអ្នកដែលនៅទាន់អ្នកមានគុណរបស់ខ្លួនម្នាក់ ឬទាំងពីរនាក់ពេលដែលលោកមានវ័យចាស់ជរា តែគេមិនបានចូលឋានសួគ៌”។

عَنْ أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«رَغِمَ أَنْفُ، ثُمَّ رَغِمَ أَنْفُ، ثُمَّ رَغِمَ أَنْفُ»، قِيلَ: مَنْ؟ يَا رَسُولَ اللهِ قَالَ: «مَنْ أَدْرَكَ أَبَوَيْهِ عِنْدَ الْكِبَرِ، أَحَدَهُمَا أَوْ كِلَيْهِمَا فَلَمْ يَدْخُلِ الْجَنَّةَ».
[صحيح] - [رواه مسلم] - [صحيح مسلم: 2551]

អំពី អាពូហ៊ូរ៉យរ៉ោះ رضي الله عنه អំពីណាពី ﷺ លោកបានមានប្រសាសន៍ថា៖
“អាប់ឱនហើយ អាប់ឱនហើយ អាប់ឱនហើយ”។ មានគេសួរថា៖ តើនរណាទៅ ឱរ៉ស៊ូលុលឡោះ? លោកបានឆ្លើយថា៖ “គឺអ្នកដែលនៅទាន់អ្នកមានគុណរបស់ខ្លួនម្នាក់ ឬទាំងពីរនាក់ពេលដែលលោកមានវ័យចាស់ជរា តែគេមិនបានចូលឋានសួគ៌”។
[صحيح] - [رواه مسلم] - [صحيح مسلم - 2551]

Explanation

ណាពី ﷺ លោកបានបួងសួងសុំឱ្យទទួលនូវភាពអាប់ឱន និងភាពអាម៉ាស់ រហូតដល់កម្រិតហាក់ដូចជាលោកបានដាក់ច្រមុះរបស់លោកនៅលើដី(លោកបានមានប្រសាសន៍បីដង)។ ពេលនោះ មានគេសួរថា៖ តើអ្នកដែលលោកបួងសួងឲ្យនោះជានរណាទៅ ឱរ៉ស៊ូលុលឡោះ?
ណាពី ﷺ លោកបានឆ្លើយថា៖ គឺអ្នកដែលមានជីវិតទាន់ឪពុកម្តាយរបស់ខ្លួនម្នាក់ ឬទាំងពីរនាក់ខណៈដែលលោកមានវ័យចាស់ជរា តែគេមិនបានប្រើឱកាសនេះជាមូលហេតុដើម្បីបានចូលឋានសួគ៌ឡើយ។ នោះគឺដោយសារតែគេមិនបានធ្វើល្អចំពោះលោកទាំងពីរ និងអកតញ្ញូចំពោះលោកទាំងពីរ។

Benefits from the Hadith

1. ការកតញ្ញូចំពោះឪពុកម្តាយ គឺជាកាតព្វកិច្ច ហើយវាជាមូលហេតុមួយដើម្បីបានចូលឋានសួគ៌ ជាពិសេស នៅពេលលោកទាំងពីរចាស់ជរា និងខ្សោយកម្លាំង។
2. អកតញ្ញូចំពោះឪពុកម្តាយ គឺស្ថិតក្នុងចំណោមបាបកម្មធំ។