Hadiis: Yãmb yembr fãa sã n tʋg n ta zĩigẽ, bɩ a ning sallem, la a sã n rat n na n zĩndi, bɩ a ning sallem, bala rẽenem sallemã, yẽ ka hakε n yɩɩd yaoolem soaba ye

عَنْ أَبِي هُرَيْرَةَ رَضيَ اللهُ عنهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«إِذَا انْتَهَى أَحَدُكُمْ إِلَى الْمَجْلِسِ فَلْيُسَلِّمْ، فَإِذَا أَرَادَ أَنْ يَقُومَ فَلْيُسَلِّمْ، فَلَيْسَتِ الْأُولَى بِأَحَقَّ مِنَ الْآخِرَةِ».
[حسن] - [رواه أبو داود والترمذي والنسائي في الكبرى وأحمد] - [سنن أبي داود: 5208]

Yii a Abʋʋ Hʋrayrat nengẽ (Wẽnd yard be a yĩnga) a yeelame: Wẽnd-tẽn-tʋʋm (Wẽnd pʋʋsg la A tɩlgr be a yĩng) yeelame:
«Yãmb yembr fãa sã n tʋg n ta zĩigẽ, bɩ a ning sallem, la a sã n rat n na n zĩndi, bɩ a ning sallem, bala rẽenem sallemã, yẽ ka hakε n yɩɩd yaoolem soaba ye».
[Hasanʋn (be neere)] - [A Abʋʋ Daawʋʋd la a At-tirmiiziy la a An-nasaa'ɩy n togs-a Al-kʋbraa wã pʋgẽ la a Ahmad] - [Sunan Abɩɩ Daawʋʋd - 5208]

bilgrã

Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) wilgda ned ning sẽn wa zĩigẽ, bɩ a ning-b sallem, la a sã n wa rat n na n yiki, bɩ a pʋʋs-b Wẽnd na wat-ne ne sallem, bala rẽenem sallemã waoongã sasã, yẽnda ka hakε n yɩɩd a loogrã sasã, a sẽn na n ning sallemã ye.

Sẽn be Hɑdiisã yõod-rãmbẽ

1. Pirsdame tɩ b sẽeg sallem.
2. Pirsdame tɩ b ning zĩigã rãmb sallem, b sẽn wat n yek taaba, la b sẽn wat n looge.
3. A As-Sindiy yeelame (Wẽnd na yols-a): a sẽn yeel t'a (A sã n wa rat n yikã) rat n yeel t'a sã n wa rat n yik zĩigẽ wã (bala rẽenem sallemã, yẽ ka hakε n yɩɩd) rat n yee tɩ b yiibã fãa yaa Sũnnah, b sõmb n tʋma ne-a, rẽnd ka tar neng tɩ f sã n bas yiib soabã n yaool n maan rẽenem soabã ye.